Opozita shqiptare prish parlamentin ndërsa mbështetësit mblidhen

Gazeta e njohur amerikane Washington Post, që tronditi ditën e sotme politikën në SHBA dhe në Shqipëri, duke zbuluar detaje të reja të skandalit Rama-McGonigal, ka shkruar mbrëmjen e sotme edhe për protestën e pasdites së sotme të opozitës.

Sipas Washington Post, opozita dhe ligjvënësit shqiptarë të opozitës, duke i rënë bilbil, ndërprenë seancën parlamente të hënën duke kërkuar dorëheqjen e qeverisë të dyshuar për korrupsion, ndërsa mbështetësit e saj që u mblodhën jashtë, u përpoqën të futeshin në ndërtesë.

Policia mbajti jashtë demonstruesit, të cilët hodhën bomba tymi dhe fishekzjarre përpara se të shpërndaheshin.  

Tensioni pasoi një protestë të ngjashme të shtunën në të cilën morën pjesë mijëra mbështetës të opozitës.

Protestat po organizohen nga Partia Demokratike dhe opozita e drejtuar nga Sali Berisha.  

Brenda sallës së parlamentit, Berisha dhe ligjvënës të tjerë pushtuan podiumin dhe i ranë bilbilave duke penguar çdo kënd që përpiqej të fliste. Kryeparlamentarja e mbylli seancën pa diskutuar për asnjë nga çështjet e rendit të ditës.

‘Populli do të flasë’, tha Berisha pas daljes nga salla e parlamentit dhe u zotua të vazhdojë protestat gjatë kësaj jave.

Opozita akuzon Ramën se ka korruptuar Charles McGonigal, një ish-zyrtar i lartë i kundërzbulimit të FBI-së, i cili akuzohet në Shtetet e Bashkuara se ka fshehur nga FBI detajet kryesore të udhëtimeve në Shqipëri në vitin 2017 me lidhjet me një ish-zyrtar të inteligjencës shqiptare, i cili dyshohet se t'i kishte dhënë të paktën 225,000 dollarë.