Ministri britanik i Emigracionit, Robert Jenrick, ka përdorur një gjuhë fyese për shqiptarët, në një video të publikuar në rrjetet sociale ditën e djeshme. 

Jenrick njofton nisjen drejt Tiranës të disa dhjetëra shqiptarëve, teksa bën thirrje që shumë të tjerë të largohen sa më shpejt.

Në këtë videomesazh ai i etiketon shqiptarët si kriminelë që kanë bërë burg në Angli për trafik droge dhe vepra të tjera penale.

"Ne po punojmë gjatë gjithë kohës për të larguar emigrantët e paligjshëm shqiptarë dhe shkelësit e shtetasve të huaj. Dje vizitova një qendër largimi imigracioni për të parë fluturimet tona javore për në Shqipëri dhe për të falënderuar stafin për punën e tyre vendimtare për të zbatuar kufijtë tanë dhe për të na mbajtur të sigurt.

Unë jam këtu duke parë largimin e emigrantëve shqiptarë. Trajnerët sapo janë larguar. Ata janë rrugës për në aeroport dhe deri në mëngjes do të jenë në Tiranë. Kam takuar stafin fantastik që po punon 24 orë për të gjetur shqiptarët, për t'i ndaluar, për t'i hipur në karroca, për t'i çuar në aeroport dhe për t'i kthyer në Tiranë. Jo vetëm këta emigrantë të paligjshëm, disa prej të cilëve kaluan kanalin me varka të vogla duke luajtur me sistemin, por të tjerët janë kriminelë të rrezikshëm që janë dënuar për vepra droge. Dhe kështu jo vetëm që po sigurojmë kufijtë tanë dhe po rivendosim pengesat për sistemin tonë të azilit, por po i bëjmë gjithashtu komunitetet më të sigurta duke i larguar kriminelët nga vendi. Kjo është një pjesë thelbësore e planit tonë për t'i mbajtur komunitetet të sigurta dhe për të rivendosur drejtësinë në sistemin tonë të azilit dhe imigracionit", thuhet në videomesazhin e ministrit britanik. 

Sakaq, kujtojmë se dy ditë më parë u njoftua se rreth 40 shtetas shqiptarë kanë mbërritur me charter në aeroportin e rinasit pasi ishin nisur nga Mbretëria e Bashkuar.

Pas këtyre fyerjeve të ministrit britanik, ka reaguar ministrja e Jashtme, Olta Xhaçka. 

Fjalë si 'gjeni shqiptarin, ndaloni shqiptarin", Xhaçka i quan një linçim verbal ndaj një kombi të tërë në një gjuhë që tingëllon sikur ministri po shpall sezonin e hapur për shqiptarët. 

"Tej mase e tronditur kur dëgjoj një Ministër Shteti përgjegjës për emigracionin të përdori një gjuhë të tillë vetëm për disa vota. "Gjeni shqiptarin, ndaloni shqiptarin"! Një linçim verbal ndaj një kombi të tërë në një gjuhë që tingëllon sikur ministri po shpall sezonin e hapur për shqiptarët vetëm disa javë pas Komunikatës së Përbashkët mes Kryeministrit të Republikës së Shqipërisë  dhe atij të Britanisë së Madhe ku vlerësuan rolin e diasporës shqiptare në Britani dhe kontributin e saj të rëndësishëm në  kulturë,e konomi dhe shoqërinë e të dy vendeve. Veçim i turpshëm i një komuniteti nga një ministër me parime demokratike që sjell kujtime të tmerrshme me një brutalitet të padurueshëm".