Richard Grenell u shpreh në një intervistë ekskluzive për Çim Peka Live se vendimet politike të Joe Biden i hapën rrugë Rusisë të pushtojë Ukrainën.

Diplomati amerikan i quan të gabuara dhe të këqija politikat që po ndjek nga Shtëpia e Bardhë, demokrati Joe Biden.

Çim Peka: Zoti Grenell, mirëmbrëma. Të falënderoj për kohën që gjetët sepse keni patur një kohë të ngjeshur. Pati shumë interes për zgjedhjet afatmesme në SHBA, jo vetëm në vendin tuaj, por në të gjithë botën. Tani që kanë përfunduar këto zgjedhje cili është vlerësimi juaj i përgjithshëm?

Richard Grenell: Pikë së pari, në disa shtete ende po numërohen votat. Lajm i mirë është se Republikanët kanë fituar në Dhomën e Përfaqësuesve dhe kjo do të thotë se do të jemi në gjendje të ndalojmë të gjitha politikat e këqija të Biden. Ju e kuptoni si funksionon politika amerikane, duhet të kemi Shtëpinë e Bardhë, Senatin dhe Dhomën e Përfaqësuesve dhe Republikanët kanë kapur një prej tyre. Lajmi i mirë është se do të kemi mundësi t’i ndalojmë të gjitha këto politika të këqija të Biden.

Çim Peka: A mundet vetëm Dhoma e Përfaqësuesve duke patur kundër Senatin dhe Presidentin, ekzekutivin - t’i ndalojë këto politika që ju i konsideroni të këqija të Presidentit Biden?

Richard Grenell: Shikoni, do të jetë një situatë ku ne mund do t’i ndalojmë politikat e këqija të tij, por nuk do të jemi në gjendje të zbatojmë shumë prej politikave të tilla si prodhimi i energjisë, i cili është një gjë e madhe, po përjetojmë çmime të larta të naftës këtu në SHBA. Kemi ndaluar për shkak të administratës Biden së qenuri një eksportues i energjisë. Është ndaluar prodhimi i energjisë në SHBA për shkak se ambientalistët e kanë sakatuar administratën Biden. Dhe nuk do të kemi mundësi t’i rizbatojmë këto politika te të qenit një eksportues i energjisë, por do të jemi në gjendje të ndalojmë të gjitha politikat që Biden ka promovuar. Besoj se bota po përjeton çmime të larta të naftës dhe një problem të tmerrshëm me inflacionin sepse politikat amerikane kanë qenë kaq të këqija. Besoj se shprehja e vjetër vijon njësoj, ‘nëse e zë gripi Amerikën ashtu ndodh me të gjithë botën’. Dhe kemi inflacion që ka arritur skajet, kemi çmime nafte që janë shumë problematike, ekonomia jonë është dërrmuar dhe bën kuptim kur ke një president politikat e cilit janë duke ndaluar prodhimin, energjinë tonë dhe po bën edhe politika të këqija. Kam qenë i qartë për diçka, administrata e Donald Trump kishte sanksione mbi gazsjellësin rus, Nord Stream II, administrata Biden me demokratët në Senat i rrëzoi ato sanksione dhe ajo që ndodhi shumë pak pas kësaj, Presidenti Putin e pa këtë si dritë jeshile për të shkuar drejt Ukrainës. Nuk besoj se është e tepër për të thënë se administrata e Biden me demokratët në Senat ndihmuan në shkaktimin e luftës në Ukrainë. Unë mendoj se është vërtetë e rëndësishme të kuptojmë se politikat e këqija me kalimin e kohës çojnë në rezultate të tmerrshme. Dhe shohim këtë luftë kaotike në Ukrainë që po destabilizon Europën Lindore, po përpiqet të destabilizojë Ballkanin. Le të jemi shumë të qartë, administrata Biden, me demokratët në Senat, bashkë me qeverinë e kancelares Merkel, i hoqën sanksionet me këtë gazsjellës dhe i dhanë dritën jeshile. Tani ajo që shikojmë është një politikë e dobët në lidhje me Kinën nga Amerika. Kinezët po përpiqen të marrin një port në Gjermani dhe po lexojnë dobësinë e administratës Biden. Mendoj se zgjedhjet e mes-mandatit ku Republikanët morën Dhomën e Përfaqësuesve do të jetë shumë ndihmuese në ndalimin e këtyre politikave të këqija.

Çim Peka: Zoti Grenell, kjo që thoni është interesante, por së paku në Shqipëri dhe Kosovë, nëse je mbështetës i Trump, sidomos në këtë situatë, automatikisht mediat të lidhin me Rusinë, parashikohesh mbështetës i Putin. Ndërkohë që ju sapo thatë të kundërtën. Thatë që heqja e sanksioneve ndaj Gazprom-it i dha shumë mundësi Putinit të pushtojë Ukrainën. Gjithashtu, është e vërtetë që Presidenca Biden e bëri Amerikën shumë më të varur nga energjia e jashtme se ajo Amerikane. Por gjithashtu po lidh marrëveshje dhe po i shtrin dorën diktatorëve si ai i Venezuelës kur deri para pak kohësh nga SHBA paguheshin 15 mln dollarë për kokën e tij. Nuk keni arritur të bindni botën se cili është raporti real i administratës Biden me Rusinë dhe administratës Trump me Rusinë. Sepse, të paktën në Shqipëri, nëse kërkon të mbrosh pikëpamjet e Trump, menjëherë etiketohesh si filo-rus.

Richard Grenell: Besoj se kjo është diçka që janë përpjekur të bëjnë disa prej mediave Amerikane që shfaqin këtë pamje të Trump me idenë Rusia, Rusia, e pamë këtë narrativë të rrëzohej. Nëse shikoni faktet, është administrata Biden që rrëzoi sanksionet me gazsjellësin çka shkaktoi këtë kaos në të gjithë Europën. Ju duhet të shikoni destabilizimin e Ukrainës dhe të pyesni si ndodhi kjo nën Joe Biden dhe pse nuk ndodhi nën presidentin Trump. Dhe ka një përgjigje të thjeshtë sepse Trump kishte sanksione mbi atë gazsjellës dhe nuk do të vazhdonte më tej dhe presidenti Putin ishte shumë i zemëruar me këtë. Putin ishte shumë i lumtur kur Biden rrëzoi sanksionet. Trump ka thënë gjithmonë se nuk dua të kem marrëdhënie të këqija nëpër botë, qoftë me Kinën apo Rusinë, nuk dua, siç themi në Amerikë, ‘t’ju nxjerr sytë’, thjeshtë për të qenë problem për ta, ne duam të shkojmë mirë me ta, duam të qëndrojmë për politikat tona dhe vlerat tona. Presidenti Trump qëndroi fort dhe vuri sanksione për atë gazsjellës dhe njerëzit duhet të kontrollojnë faktet dhe të mos më besojnë mua për këtë, por të kontrollojnë vetë se kush i hoqi ato sanksione. Ishte Joe Biden dhe demokratët në Senat.

Çim Peka: Zoti Grenell, ju kam ndjekur vazhdimisht, por po ju them një detaj. Në kohën e administratës Trump, gazetarët në Shqipëri ftoheshin në Ambasadën Amerikane në Tiranë dhe u jepej përshtypja se përkrahja ndaj Donald Trump është një shkelje syri ndaj Rusisë. Unë e kam përkrahur dhe simpatizuar presidentin Trump. Por dua garancinë tuaj, sa larg më mban kjo nga Vladimir Putin?

Richard Grenell: Realiteti është se unë takoj njerëz dhe do t’ju lutesha të shikonit faktet dhe jo çfarë thonë demokratët apo mediat. Politikat e presidentit Trump ishin shumë fuqishëm dhe dërgonin një mesazh të fuqishëm ndaj Putin se nuk mund të ishte armiqësor, ne do ta kundërshtonim. Pse kemi luftë në Ukrainë nën Biden dhe jo nën Trump? Rusët dhe Putin zunë Krimenë kur Obama ishte në pushtet dhe Biden zv/president. Ne u themi njerëzve të shikojnë faktet, ju doni që të keni një president të fortë dhe që mund të qëndrojë, por edhe që të përqendrohet mbi ekonominë. Kur unë u mora me negociatat mes Serbisë dhe Kosovës, patëm 4 marrëveshje ekonomike, një marrëveshje gjithëpërfshirëse e Trump që të përqendrohemi te ekonomia dhe të mos luftojmë politikisht gjithë kohës. Kjo do t’u jepte të rinjtë punë dhe shpresë për të ardhmen, një punë e mirë që paguan mirë, do të keni më pak luftë, kur nuk keni punë, para, papritur flisni për politikë gjithë kohës dhe zemërohemi. Trump është një biznesmen fantastik. Ai u bë president sepse dëshironte të mbështeste këto politika të lirisë ekonomike. Do ta mbyll me këtë. Mbani mend se Donald Trump nuk mori rrogë si president i SHBA dhe as nuk e mbaj mend sa paguhet presidenti, mbi 400 mijë dollarë, por ai nuk e mori këtë rrogë. Ai e bëri falas punën dhe mediat zakonisht e injoronin këtë fakt, nuk u përpoqën ti tregonin popullit, e besoj se disa njerëz që na shikojnë tani habiten që presidenti Trump e bëri falas punën. Ai gjithashtu u varfërua ndërsa ishte president, sepse i la bizneset e tij dhe nuk po përfitonte dhe kjo është shumë ndryshe nga shumë politikanë të tjerë.

Shumica e politikanëve hyjnë në pushtet dhe bëhen më të pasur, ndërsa Donald Trump mund të jetë i vetmi president që u bë më i varfër. Ai përqëndrohej në ndihmën ekonomike ndaj njerëzve. Establishmenti në Uashington e urren, media e urren, sepse ata duan që ai të luajë me rregullat e vjetra, ku ata kontrollojnë dhe kanë pushtetin. Por besoj se populli amerikan dëshiron një luftëtar.

Çim Peka: Dakord, por akuzat ndaj presidentit Trump për raport me Rusinë kanë nisur që në 2016. Në kohën kur diskutoja me kolegë në Tiranë, si simpatizant i Trump, se këto janë akuza të pabaza, se Shqipëria ka njohje mjaft të mirë të Rusisë, për shkak të historisë dhe të shkuarës që kemi pasur me të, kolegët në Tiranë më thonin, ndërmjet llogjikës tënde dhe zyrtarëve amerikanë në Tiranë, i besojmë ata. A ka pasur kontroll të administratës së Donald Trump mbi Departamentin e Shtetit? Po ju kujtoj në vitin 2017, ambasadori amerikan në Tiranë i caktuar nga administrata Trump, fliste për problemet në zgjedhjet e 2016, duke marrë shembull deformimin e votës. Pyetja është; Keni pasur apo nuk kemi pasur kontroll mbi Departamentin e Shtetit gjatë presidencës Trump?

Richard Grenell: Shiko, e vetmja gjë që do të thoja është se Amerika është një vend i madh dhe me shumë diversitet, ku kemi opinione të shumta. Besoj se është një gjë e mirë të kemi opinione të ndryshme. Nuk dua të flas kush bëri çcfarë, kush kishte kontrollin, por dua të them që ne besojmë se kemi një president në çdo kohë. Tani kemi presidentin Biden dhe më parë kishim presidentin Trump. Thjeshtë do them që, ju duhet gjithmonë ti besoni zyrtarëve amerikanë. Ne kemi një sistem të kontrollit dhe balancës për zyrtarët e SHBA-së. Kemi median, persona të ndryshëm, nivele të ndryshme qeveritare dhe besoj se qeveria e SHBA-së flet me një zë të vetëm. Ndoshta kur jeni jashtë qeverisë së SHBA-së, siç jam unë keni lirinë të kritikoni qeverinë. Këtë po bëj tani. Po flas në mënyrë kritike ndaj administratës së Biden, por unë besoj se kemi vetëm një president në çdo kohë. Joe Biden është presidenti dhe Anthony Blinken është Sekretari i Shtetit dhe përfaqësuesit e tyre në Tiranë duhen besuar gjithmonë. Ju duhet ta dini se unë i mbështes ata plotësisht, por ku jam jashtë qeverisë mund edhe të ua kritikoj politikat.

Çim Peka: Kalojmë te zgjedhjet. Pritej një valë e kuqe që nuk erdhi, a doli më keq se sa pritej Partia Republikane në zgjedhjet e mesmandatit?

Richard Grenell: Unë mendoj se ne prisnim që të merrnim edhe Senatin përveç Dhomës së Përfaqësuesve, por e humbëm për pak. Marrja e Dhomës së Përfaqësuesve ishte një sukses. Vala nuk ishte aq e madhe sa dëshironim, por ishte absolutisht një valë e kuqe. Ne morëm Dhomës së Përfaqësuesve, kontrollojmë një aspekt të qeverisë, dhe mund të mbyllim politikat e këqija. Është një fitore e madhe absolutisht, por besoj se media sigurisht është gjithmonë kundër presidentit Donald Trump dhe kandidatëve të mbështetur prej tij dhe do ta thonë historinë se, ju donit të merrnit Senatin dhe Dhomës së Përfaqësueseve, dhe kjo është vetëm një dështim. Por besoj se tani ne jemi ulur këtu dhe nëse Republikanët nuk do të kishin kontroll në Dhomës së Përfaqësueseve, do të ishte dështim. Por tani ne kemi kontroll mbi një degë të ekzekutivit dhe kjo është një fitore shumë e madhe dhe jemi krenarë për këtë.

Çim Peka: Z. Grenell, shumica e kandidatëve ishin mbështetje personale e presidentit Trump. Megjithatë Senati nuk u mor. A mund të konsiderohet kjo pika politike më e dobët e presidenti Trump që nga viti 2016, pasi në vitin 2020 flasim për manipulim zgjedhjesh. Po flasim për zgjedhje të pranuara. 2016 fitoi, në vitin 2022 kandidatët e mbështetur prej tij nuk morën shumicën. A është kjo pika më e ulët politike e Donald Trump?

Richard Grenell: Jo, shiko. Kemi shumë persona në media që gjithçka e sjellin rreth Donald Trumpit, por realiteti e fiton Shtëpinë e Bardhë, siç bëri Joe Biden në vitin 2020, zgjedhjet e tjera të mesmandatit historikisht fitojnë karrige në Senat. Kjo është thjesht fakt. Nëse ktheheni dhe shikoni zgjedhjet e para të mesmandatit, do të duhej të kishit fituar ulëse në Senat, por nuk ja dolën. Këtu jemi në pikën ku mund të jemi 50 me 50 në Senat, që është pak a shumë ajo ku ishim në fillim. Nuk do ta dimë ende faktin për këtë deri sa të mbarojë gara në Georgia. Disa njerëz mendojnë se kjo ka të bëjë vetëm me Donald Trump, por ai as nuk ishte në fletën e votimit. Ai mbështeti disa kandidatë që fituan dhe ai ka shumë fitore. Por a pati një rezultat të shkëlqyer kësaj here? Jo nuk pati një rezultat të tillë. Ai mbështeti disa persona që pothuajse fituan. Në fakt ky është një referendum për Joe Biden dhe ne morëm Dhomën e Përfaqësuesve që Joe Biden e humbi dhe kandidatët e Donald Trump ishin në gjendje të ndihmonin me fitoren e saj.  

Çim Peka: Është një referendum për Joe Biden, por megjithatë është Presidenti që ka humbur zgjedhjet mesmandatit me diferencën më të ngushtë, pasi në historikun e zgjedhjeve në SHBA, presidenti në detyrë zgjedhjet e mesmandatit i humbet. Kur kemi këtë krizë ekonomike, këtë situatë globale, si ka mundësi që Joe Biden një president i perceptuar shumë i dobët, në këtë krizë në SHBA humbet shumë më pak se paraardhësit e tij.

Richard Grenell: Besoj se tashmë iu përgjigja kësaj pyetje.

Çim Peka: Z. Grenell, në Tëitterin tuaj kam vënë re se jeni shumë i kënaqur me perfomancën e Guvernatorit Ron DeSantis, ndërkohë që vetëm një ditë para zgjedhjeve, presidenti Trump e sulmoi ashpër. Richard Grenell kë do të përkrahte për 2024, DeSantis apo Donald Trump?

Richard Grenell: Unë mbështes presidentin Trump, ai është udhëheqësi i Partisë Republikane dhe nuk ka dyshim për këtë. Nuk jam i sigurtë a ka persona të tjerë që do të kandidojnë kundër tij. Ka shumë spekulime nëpër media, por Donald Trump, do të shohim se çfarë do të bëjë nesër, por nëse Donald Trump kandidon, ai do të jetë kandidati më popullor mes republikanëve dhe do të jetë i nominuari i Partisë Republikane.

Çim Peka: Pra nesër mund të kemi një lajmërim nga presidenti Trump?

Richard Grenell: Nesër pritet që ai të bëjë një lajmërim.

Çim Peka: Z. Grenell pyetja e fundit. Çfarë duhet të bëjnë republikanët e 2024 që të fitojnë.

Richard Grenell: 2024 do shumë kohë të vijë ende. Ajo që duhet të bëjmë tani është të jemi në gjendje të ndalojmë disa prej politikave të këqija që ka vendosur Joe Biden. Duhet të ndreqim ekonominë dhe nëse ndreqim ekonominë amerikane dhe të artikulojmë se si e bëjmë këtë, me prodhimin e energjisë, taksat më të ulëta, rregulla më të lehta, besoj se mund ta ndreqim këtë ekonomi. Bota tani e shikon shumë qartë se ekonomia gjatë presidencës Trump kundrejt ekonomisë së Biden, ja ku e keni përballjen mes Republikanëve dhe Demokratëve. Besoj se e gjithë bota dëshiron të ketë ekonomi Trump. Nuk do të kishim luftëra, do të kishim çmime më të ulëta të naftës, inflacion më të ulët dhe më shumë para në xhepat e amerikanëve të shtresës së mesme.

Çim Peka: Z. Grenell faleminderit shumë.

Richard Grenell: Ju falënderoj, gjithë të mirat.