Presidenti i Republikës së Shqipërisë, Bajram Begaj duket se po përcjell me përpikmëri porositë e kryeministrit Edi Rama në vizitën e tij në Kosovë, duke e përfaqësuar denjësisht si një 'rilindas' i vërtetë. 

Gjatë një interviste për RTK, në  Kosovë, mbrëmjen e sotme, i pyetur për medimin e tij në lidhje me nismën serbe të Ballkanit të Hapur, presidenti Begaj u shpreh njëjtë me gjuhën e Ramës, se është një nismë shumë e duhur. 

Ndërkohë qëndrimin kundër të Kosovës rreth kësaj nisme serbe në rajon, Begaj e ka quajtur thjesht diversitet dhe jo një prekje dhe cënim i rëndë i interesit kombëtar të shqiptarëve në rajon dhe më gjerë. 

Begaj: Ballkani i Hapur nëse do të jetë iniciativë në planin gjithëpërfshirës dhe me pjesëmarrjen e 6 vendeve të Ballkanit perëndimor që do të bëjë të mundur shkëmbimin e lirë të mallrave, them se është shumë e duhur. E di që Kosova dhe Shqipëria kanë qëndrime të kundërta për këtë gjë por kjo sjell diversitetin.