Këto pamje tronditëse kanë ardhur sot nga një prej qendrave spitalore të vendit, Spitalit Rajonal të Shkodrës, të shndërruar në një fole koronavirusi.

Ky institucion shtetëror e ka krijuar me vetëdije këtë kaos jashtë dyerve të tij dhe humanizmi është shkelur përdhe me të dyja këmbët nga ata me bluza dhe pa bluza,  që më mirë se gjithkush e dinë se ç’rrezik për jetën po iu kanoset atyre pacientëve që i kanë lënë shkallëve. 

Bardh Spahia, ish-deputet i PD ka publikuar pamjet duke theksuar po ndodh si në asnjë vend në botë: "Po ndodh në Shkodër, - tregon Spahia. - Fluks qytetarësh para Spitalit Rajonal që presin për vizitë.  Mbingarkesa që u është lënë në kurriz mjekëve nga mungesa e strategjisë dhe keqmenaxhimi prej autoriteteve bën që ky proces pritjeje të sjellë përhapje të virusit Covid-19. Qytetarët dhe mjekët janë lënë të vetëm në përballjen me virusin. Si në asnjë vend në botë, qeveria i ka braktisur qytetarët dhe mjekët në periudhë kritike fluksi infektimesh!” ka denoncuar ai.