Ish ministrja e Integrimit, Klajda Gjosha reagon pas postimit të para pak orëve të eurodeputetit gjerman, pjesë e Partive Popullore Europiane, Michael Gahler.

Sipas ish-deputetes së LSI, PPE paraqiti sot një nga qëndrimet e saj më të qarta dhe më të forta mbi procesin e integrimit të Shqipërisë.

Gjosha shpreson që, gjithçja është shprehur sot nga PPE të përkthehet në një udhërrëfyes për të prodhuar rezultate konkrete.

"PPE ka paraqitur sot një nga qëndrimet më të qarta dhe me të forta mbajtur ndonjëherë mbi procesin e integrimit të Shqipërisë, kushtet për celjen e negociatave, por edhe për kriterin kryesor atë të dialogut politik dhe konsesusit për reformat kyce.

Miratimi i reformës zgjedhore, implementimi i saj nëpërmjet zgjedhjeve Parlamentare dhe lokale, hetimi i dosjeve 339 dhe 184 si dhe liria e mediave përbëjnë thelbin e rikthimit në një Shqipëri normale dhe me standarte demokratike.

Uroj që gjithçka e shprehur sot nga PPE të përkthehet në një udhërrëfyes për të prodhuar rezultate konkrete.

Shqipëria ka vetëm një alternativë, perspektivën europiane!", shkruan Gjosha në postimin e saj. 

Ja çfarë shkruante në postimin e tij eurodeputeti gjerman, Michael Gahler:

"Së bashku si Grupi i PPE në Parlamentin Evropian, urojmë partitë në Këshillin Politik Shqiptar, i cili pas Marrëveshjes së 5 Qershorit, ra dakord për paketën e reformës zgjedhore. Ne e lavdërojmë konsensusin e Partisë Socialiste në pushtet dhe Partinë Demokratike (anëtare e PPE) dhe presim miratimin e shpejtë zyrtar të kësaj pakete.

Çdo përpjekje e partisë në pushtet për ndryshime të njëanshme të tjera shkon kundër konsensusit të arritur.

Ky konsensus është kusht kyç për çeljen e negociatave për anëtarësim në BE.

Këshilli Evropian në Mars në të vërtetë kërkoi që Shqipëria të sqarojë ligjshmërinë e zgjedhjeve lokale të vitit 2019. Fakti që qeveritë lokale në Shqipëri drejtohen nga një parti e vetme, e cënon nocionin themelor të një demokracie pluraliste.

Këto janë tre nga 15 kushtet e rëndësishme që Shqipëria duhet të përmbushë përpara fillimit të negociatave për anëtarësim  në BE.

Opinionet e fundit të Komisionit të Venecias për lirinë e mediave dhe gjyqësorit duhet të zbatohen plotësisht në mënyrë që të korrigjohen devijimet e mëparshme dhe të ecin përpara. Gjithashtu duhet të fillohet procesi penal lidhur me pretendimet e blerjes së votave në zgjedhjet e kaluara, përfshirë ato në Dosjet 184 dhe 339.

Të 15 Kushtet u vendosën në Mars nga Këshilli Evropian dhe u konfirmuan muajin e kaluar në Parlamentin Evropian nga një shumicë e madhe ndër-partiake.

Grupi Parlamentar i PEE vazhdon të mbështesë Shqipërinë në rrugën e saj drejt BE", shkruan Gahler. /A.R, Syri.net

https://www.syri.net/politike/352730/ppe-procedim-penal-per-dosjet-184-e-339-te-zbatohen-opinionet-e-venecias-per-median-dhe-gjyqesorin/