Albin Kurti ka liruar mëngjesin e sotëm zyrën e tij të Kryeministrit të Kosovës, por nuk ka hequr dorë nga zgjedhjet. Kurti ka shkuar në sheshin kryesor të Prishtinës dhe ka firmosur peticionin “Duam zgjedhje” të inicuar nga Vetëvendosje.

“Zgjedhjet janë qëllimi ynë politik sepse zgjedhjet janë parimi i shkelur demokratik. I ftoj të gjithë qytetarët që ta nënshkruajnë peticionin në sheshin e qytetit të tyre, nëse nuk e kanë bërë këtë deri më tani.” Ka bërë thirrje Kurti, deklarata e parë e tij si ish-Kryeministër i Kosovës.