Kryeministri Edi Rama reagoi ditën e sotme pas deklaratave të Ramush Haradinajt se, gjatë Samitit të Berlinit i ishte bërë presion nga kryeministri shqiptar për heqjen e taksës së qeverisë së Kosovës ndaj produkteve serbe.

Rama shprehet se askush nuk i ka bërë presion Haradinajt, por vetëm i është dhënë sugjerim.

Por reagimi i Ramës nuk e bind gazetarin Dritan Kaba, i cili përmes një postimi në rrjetet sociale shprehet se, i mjerë para kryeministrit të Kosovës i ka ikur goja dhe mendja.

“I mjerë para Ramushit, i ka ikur goja dhe mendja. Zhgarravit më keq se në ato palo piktura të tij.
Për ato rradhë të mjera dua t’i kujtoj një fjalë të urtë që përdorin shumë tironsit: “Nuk lahet m*ti me shurrë!”, shkruan Kaba në reagimin e tij.