Ndërkohë që kreu i opozitës shqiptare, Lulzim Basha, është duke zhvilluar një vizitë të rëndësishme në Gjermaninë, Edi Rama nga salla e parlamentit ka bërë një deklaratë të rrezikshme, duke lëshuar akuza për Berlinin zyrtar.

Duke folur për Reformën Zgjedhore, ai akuzoi Gjermaninë se e ndikuar nga opozita të cilën e quan mike të Berlinit, BE ka futur si kusht për hapjen e negociatave, edhe Reformën Zgjedhore.

‘Nuk e kemi futur ne reformën zgjedhore, si kusht për hapjen e negociatave. E kanë futur ata dhe miqtë e tyre në Berlin’, deklaroi Rama duke implikuar kështu edhe Gjermaninë në ‘planin’ që sipas tij  kanë armiqtë e Shqipërisë, për të mos integruar në Bashkimin Europian.

Gjatë viteve të fundit, Edi Rama, gati është shpallur person ‘non grata’ në Berlinin zyrtar, por jo vetëm aty. Nuk mbahet më mend një vizitë e tij zyrtare jashtë vendit, përveçse pritjes që ju bë nga mbreti i Arabisë Saudite, ndërkohë që ky ishte nën bojkot ndërkombëtarë për vrasjen e një gazetari të njohur kritik ndaj qeverisjes së tij. Motivet e vetme të Ramës kur del janë jashtë vendit, duket se kanë mbetur vetëm ekspozitat personale, vizitat shëndetësore dhe takimet e fshehta me gurun e tij, Soros.