Deputeti i Partisë Demokratike, Endri Hasa në fillim të sesionit të ri parlamentar goditi Edi Ramën me vezë në Kuvend.

Ai shprehet se këtë akt do ta ribënte sërish duke e konsideruar atë amanet të studentëve dhe protestës së tyre.

Sipas tij ‘aksioni’ i vezëve nuk është i fundit.

Hasa, në një intervistë për Politika Online, në Gazetën Shqiptare thotë se kalimi i kordonit të sigurisë në Kuvend me vezë nuk ishte i vështirë, pasi në sallën plenare nuk lejohen sendet metalike.

Deputeti Hasa shprehet se situata aktuale duhet ta detyrojë Kryeministrin që të dëgjojë kërkesat e qytetarëve dhe t’i përmbushë ato.