Botimi i sotëm i prestigjiozes britanike ‘The Indipendent’, e cila e krahason Shqipërinë me Kolumbinë ishte një tjetër goditje e rëndë për vendin tonë.

Menjëherë pas këtij shkrimi ka reaguar dhe ish-kryeministri Sali Berisha, i cili e cilëson një tjetër faqe të zezë të shkruar nga Edi Rama dhe qeveria e tij, e cila e ka damkosur Shqipërinë si vendin e prodhimit dhe trafikimit të drogës.

Ja postimi i ish-kryeministrit:

Rregjimi i Kakistokracise i Edvinit damkos Shqiperine!

Gazeta e famshme britanike “The Indipendent” shkruan:

Shqiperia: Kolumbi e Europes.

Narkoshtet i vetem ne bote.

Ketu me poshte keni nje permbledhje te artikullit te botuar sot ne kete gazeten me te madhe britanike, ne te cilin Shqiperia e regjimit te kakistokracise damkoset si Kolumbi s Europes, si Narkoshtet! sb

The Independent: Shqipëria “shndërrohet” në Kolumbi të Evropës

The Indipendent” i ka kushtuar këtë të dielë një artikull të gjatë Shqipërisë dhe problemeve të saj me trafikimin e lëndëve narkotike.

Borzou Daragahi, një korrespondent i gazetës që prej vitit 2002 kryesisht ka mbuluar çështjet e Lindjes së Mesme, Afrikës, por dhe Europës shkruan se Gangsterët shqiptarë konsiderohen si trafikantët më të mëdhenj në botë për keroinën, kokainën apo kanbisin.

“Zyrtarët amerikanë dhe ata europianë e kanë cilësuar Shqipërinë si furnizuesin e madh të kanabisit në Europë e njëkohësisht edhe si një pikë e rëndësishme tranziti për keroinën dhe kokainën. Bazuar në vlerën monetare të drogës së kapur, ka vlerësime se vetëm marijuana gjeneron 4 miliardë dollarë, gjysma e GDP-së së Shqipërisë”, shkruan gazetari.

Në reportazhin e tij, ai citon emra, ndërsa i referohet njëkohësisht edhe shumë zyrtarëve, që nuk kanë dashur të identifikohen.

“Zyrtarët e rojes bregdetare, të cilët kërkuan që emrat e tyre të mos përmenden, thonë se duhet te jënë të kujdeshëm. Trafikantët janë shpesh të armatosur , edhe pse nuk i kanë përdorur kundër rojave bregddetare”, shkruan ai.

Më tej, artikulli vijon:

“Vitet 2015 – 2016 ishin të tmerrshëm,” thotë një zyrtar i lartë i rojës bregdetare. “Ishte Kolumbi”.

Në artikullin e publikuar pasditen e së dielës nga gazeta britanike, thuhet gjithashtu se sipas zyrtarëve shqiptarë, vetëm 10% e drogës që qarkullon brenda dhe jashtë vendit, arrin të kapet, ndërkohë që gazetari citon një diplomat të huaj perëndimor i thotë se se ky numër nuk shkon më shumë se 5%, duke u lënë trafikantëve një pasuri të madhe, që lëviz nga Roterdami në Izmir.

“Trafikantët e sofistikuar janë bërë aq të fuqishëm, sa që kanë lidhje në të gjithë botën”, thotë Alfonc Rakaj, një studiues mbi çështjet e Shqipërisë dhe Ballkanit Perëndimor.

“Është Kolumbia e Europës”, thotë një diplomat perëndimor. “Është prodhuesi dhe shpërndarësi i drogës në Europe. Është një narko shtet dhe ata do të humbasin shumë para duke dalë nga trafiku për të hyrë në BE”, thuhet në artikull.

Duke cituar sërish zyrtarë të BE, emrat e të cilëve nuk bëhen të ditur në reportazh thuhet gjithashtu se Shqipëria nuk është më një vend kultivimi, por ëhstë bërë një qendër investimesh, shpërndarjeje dhe rekrutimi./ Përgatiti: M.B

Me poshte artikulli i plote

https://www.independent.co.uk/news/world/europe/albania-drug-cannabis-trafficking-hub-europe-adriatic-sea-a8747036.html?fbclid=IwAR25UkXf4S90gms3GuctM0sXuQe3ABOQdItFTsKeqABzjfpcsumWHroWBEc