"Shqiptarët po tregojnë gjatë gjithë këtyre ditëve se duke protestuar, mund të ndalojmë të keqen." Ky është konstatimi i Jamarbër Malltezit, anëtar i Kryesisë së PD-së, me të cilin nisi deklaratën e tij para mediave ilustruar me faktet.
"Kështu ndodhi në kanionin e Holtës, - tha Maltezi. - Ne protestuam bashkë me banorët dhe qeveria u detyrua të ulej në bisedime. Akoma nuk ka pranuar se do ta anullojë vendimin me gjasë korruptiv të Edi ramës dhe Damian Gjiknurit, por ne sërish jemi gati të protestojmë.
Protesta e përditshme ka shpëtuar shtëpitë e mijëra banorëve tek Zona e Astirit, protesta e studentëve tregon se ata akoma nuk janë dorëzuar, protesta e pritshme e pedagoëve është një sinjal po ashtu frymëzues. Të gjithë janë në protestë, nga Tirana, deri tek Zagoria e largët në Gjirokastër.
Protesta e Zagorisë nxori përpara shqiptarëve një kryeministër frikacak dhe mashtrues i pacipë për të mbuluar aferat e tij në grabitjen e pasurive të vendit.
“Nuk bën vaki që qeveria të lejojë shpime naftëkërkuese në një Park Kombëtar”- ishte deklarata e Edi Ramës për të frenuar protestat e banorëve.
Në të vërtetë, ky është një mashtrim flagrant i një kryeministri frikacak.
Vakia ka ndodhur dhe ka ndodhur me praninë dhe firmën e vetë Edi Ramës.
Në 20 shkurt 2018, të gjitha mediat raportuan për arritjen e një marrëveshje historike që do të na bëntë si Arabia Saudite me shpimin në bllokun 4, zona mes Gjirokastrës dhe Sarandës. I ftoj mediat, t’u kthehen atyre pamjeve dhe t’u tregojnë shqiptarëve vakinë e paralajmëruar nga Edi Rama dhe Damian Gjiknuri.
Fotografia gjatë firmosjes së marrëveshjes për shpim dhe kërkim nafte në zonën e Zagorisë nuk është akti i vetëm i frikacakut kryeministër, që mashtron pa iu dridhur syri. 4 muaj më vonë, më 12 qershor, marrëveshja u miratua në Këshillin e Ministrave dhe mban firmën e Edi Ramës.
© SYRI.net
Shpifje, shpifje, shpifje! Kryerrotkadriu yne nuk genjen kurre!
Po drejtor te Hidrokarbureve ne AKBN ishte Adrian Bylyku dhe sot eshte Dr.AKBN jo mga aftesite por se eshte burri i Ledia Plakut shoqja e ngushte e Linda Rames ! E ka zgjedhur Rama Kete Linden me VKM edhe komisionere te konkursit per Drejtuesit e Larte te Administrates . Ndaj verifikoni mostren Adrian bylyku te Hidrokarburet se aty eshte vjedhur me miliarda me firmen e ketij te paafti dhe skizofreni hibrid !