Lajmi i fundit

EMRI/ Gjendet i vdekur një person anës lumit në Fier, ja dyshimet e para

 Fotoja e Saliut

Fotoja e Saliut

Nga Ilir Levonja - 18/05/2022

Mos na hapni barkun më se jemi bërë gazi i botës, një lajm bombë thonë. Dhe vazhdojnë, stafi i ish sekretarit amerikan të shtetit, i cili erdhi në Tiranë para dy ditëve, ishte pajisur me foton e Sali Berishës, në mënyrë të atillë që po t'i afrohej rastësisht në korridoret e hotelit, të mos e pranonin. E kthyet epokën e propagandës në atë farë kreje sa do ju mallkojnë brezat me vite.

Para ca ditëve mbytët botën shqiptare me ca marrëzi të tipit se ministrja e Ramës është me barrë. As shtatzënë nuk thoshit. Nuk hapje dot faqe webi se i njëjti avaz. Pastaj nuk është lajm nëse ka mbetur shtatzënë një ministre e re në moshë. Zoti e bekoftë dhe e pastë dritë. Lajm është nëse do të kishte mbetur ai Edi Rama shtatzënë. Ky po është lajm. Dje u çorrët me një web austriak karshi Ilir Metës. Çfarë nuk thatë për presidentin. Jo për Ilir Metën.

Nga ana tjetër si nuk u skuqët përpara shqiptarëve. Si nuk morët asnjë përgjegjësi se këtë Ilir Metën nuk e zgjodhën ata, por ju. Vetëm hidh në rrugë dhe laj duart. Kushedi se sa keni paguar një web skupesh aty në Vjenë dhe shqyet botën shqiptare. Nuk pastrohet qenefi rilindas jo Ilir Metën të arrestoni, por edhe gjysmën e opozitës. Në një studio televizive mbrëmë një naiv kokë rruar pyeti se kush ia ka bërë presidentit tonë këtë gjë? Pika, pyetjen, kush ia ka bërë? Po Edi Rama, i cili disa ditë më parë në një aktivitet partie iu hakërrye publikisht Spak-ut. Dhe kur ju trondisin ka shumë kësi shkrime për afera të tilla, si nuk e pranuat denoncimin e tabloit gjerman Bild mbi vjedhjet e Dibrës 2017. Me Damian tërmetin që sot e keni negociues për emrin gjoja të presidentit të ri.

Me emër, me zë e me figurë. Madje denoncuesi kishte vënë emrin dhe firmën poshtë. Edi Rama u tërhoq nga paditja që i bëri gazetarit gjerman. Ky denoncimi tek tabloiti austriak nuk kishte as më minimalen e gazetarisë, firmën e autorit. Po, propagandë, zhurmë. Sot nxorrët tjetrën, fotot e Saliut, ishte pajisur stafi i Mike Pompeut me foton e tij se mos i afrohesh ky. Keni marrë peng një vend të tërë vetëm me emrin e Saliut dhe të Ilir Metës.

Një fotokopje e shëmtuar e luftës së klasave në diktaturë. Nga ana tjetër kërcënoni Perëndimin me afrimin nga Lindja nëse nuk çelen negociatat për anëtarësimin  e Shqipërisë. Shqiptarët nuk presin më dhe as që pretendojnë më të shohin aty raportin real të vendeve perëndimore midis shtetit dhe pushtetit. Ka marrë fund kjo aspiratë. Shqiptarët janë të dërrmuar dhe krahu a mendja vitale duan vetëm të ikin.

Po juve kjo nuk u vret fare pasi i keni zëvendësuar me krahun e lirë të punës nga Bangladeshi. Ju doni vetëm pushtet kudo. Dhe kjo po vertetohet sot me faktin që numri një i Spak-ut deklaroi se 80% e pushtetit është përgjuar. Eshtë fare e thjeshtë, vjedhjet galopante tuajat nuk mbulohen më me propagandë.

Diçka u ka dalë duarve. Dhe në 'të e sipër po u shëmbet në kokë ngrehina fallco. Në demokraci pushteti absolut është vetëvrasje. Ajo jo vetëm ka filluar, por u ka kapluar thellë. Shumë shpejtë do u duhet një qeli luksoze për Edi Ramën. Kjo është e gjitha. Jo fotot e Saliut tek badigardët e Mike Pompeut.

© SYRI.net

Lexo edhe

Komentet

fatmir sinani18/05/2022 23:27

saliu ka per tjua leruar sumatricen kelysheve sorrosian

Shto koment

Denonco