Prokurorja e paditur i shkruan popullit të saj

Prokurorja e paditur i shkruan popullit të saj

Nga Ilmi Rehova - 22/09/2018

Arta Marku, prokurorja e ngarkuar përkohësisht me disa nga përgjegjësitë e Prokurorit të Përgjithshëm, i ka dërguar dje një letër popullit shqiptar. Letra ngjan më shumë me një hartim mediokër të një njeriu të paditur se me komunikimin e një prej drejtuesve më të lartë të shtetit.

Për të kuptuar sfondin e dërgimit të letrës, duhet pak informacion.

Pak javë më parë, Arta Marku largoi Elisabeta Imerajn nga Prokuroria e Krimeve të Rënda duke e komanduar atë në krye të Prokurorisë së Tiranës. Imeraj ishte prokurorja e dy dosjeve, hetimit të bandës së Shullazit dhe të bandës Habilaj-Tahiri. Marku nuk dha shpjegime për këtë lëvizje, edhe pse nga ana profesionale ishte e arsyeshme që në krye të Tiranës të komandohej përkohësisht njëri nga prokurorët e brendshëm të saj.

Prokurori tjetër i çështjes Shullazi, Ened Nakuçi, ka kryer së fundmi një ndërhyrje kirurgjikale në këmbë në Itali dhe ka paraqitur leje shëndetësore për gjashtë muajt e ardhshëm. Burime informale nga Prokuroria kanë thënë për Exit.al se Nakuçi ka qenë nën kërcënim nga njerëzit e Shullazit dhe të qeverisë për të mos e cilësuar grupin Shullazi grup të strukturuar kriminal, çfarë do të mundësonte një dënim më të ulët.

Këto pretendime është e vështirë të konfirmohen në mënyrë të besueshme, por fakti është se çështja Shullazi mbeti pa prokurorët që kanë kryer dhe përfunduar hetimin, dhe tani duhet që prokurorë të tjerë të bëjnë akuzën formale dhe argumentimin e saj para gjykatës.

Në seancën e parë gjyqësore, javën e shkuar, akuza u përfaqësua nga prokurori Besim Hajdarmataj, i cili kërkoi kohë për të studiuar dosjen hetimore duke qenë se nuk kishte asnjë njohje për të.

Por dje, në mënyrë të beftë, Arta Marku ka vendosur të largojë Hajdarmatajn nga Prokuroria e Krimeve të Rënda në atë të Pogradecit, çfarë e la prokurorinë pa përfaqësim në gjyqin e Shullazit.

Për të mbuluar shpërbërjen e grupit hetimor të Shullazit, Marku ka vendosur të emërojë zëvendësues me anë të shortit. Por prokurorët e krimeve të rënda nuk kanë pranuar të marrin pjesë në short, me arsyetimin se dosja është hetuar nga persona të tjerë, të cilët janë larguar në mënyrë arbitrare, dhe askush tjetër nuk mund të marrë përgjegjësinë e një dosje të rëndësishme që nuk e kanë hetuar vetë.

Logjika ta do që duhet të ishte vetë Donika Prela, drejtuesja e Prokurorisë së Krimeve të Rënda që duhet ta përfaqësonte akuzën në këtë rast, pasi si drejtuese ajo ka qenë e informuar për hetimet dhe kështu është personi më i përshtatshëm për ta mbrojtur hetimin në gjykatë. Por Donika Prela duket se nuk do ta marrë këtë përgjegjësi.

Pas mospranimit të prokurorëve, Arta Marku ka urdhëruar hetimin displinor ndaj tyre, por Drejtori i Hetimit Disiplinor, Sokol Stojani, e ka quajtur të paligjshëm urdhërin e Markut dhe ka dhënë dorëheqjen. Në një reagim arrogant, në vend që të pranonte dorëheqjen e Stojanit, Arta Marku ka nxjerrë urdhër të menjëhershëm shkarkimi ndaj tij.

Njësoj si me rastin Shullazi, Arta Marku ka larguar edhe ekipin e prokurorëve që kanë hetuar Tahirin deri tani. Siç u shpjegua më sipër, fillimisht Elisabeta Imeraj u komandua në prokurorinë e Tiranës, kurse Besim Hajdarmataj u transferua dje në mënyrë të përkohshme në Pogradec.

Tetë muaj më parë, Hajdarmataj ishte shkarkuar nga Marku nga Drejtuesi i Krimeve të Rënda, për ta zëvendësuar me shoqen e ngushtë të saj, Donika Prela.

Marku nuk ka dhënë asnjë shpjegim dhe arsyetim ligjor për këto lëvizje me ndikim. Asnjë përgjegjësi personale, asnjë reflektim për shpërbërjen e trupave hetimore të dosjeve Tahiri dhe Shullazi, vetëm ushtrim arbitrar dhe të paligjshëm të detyrave të Prokurorit të Përgjithshëm nga një prokurore e ngarkuar përkohësisht me përgjegjësi të kufizuara.

Por, pasojat e veprimeve të saj duket se nuk do kalojnë pa mbajtur përgjegjësi. Dje, Partia Demokratike dhe LSI e kanë paditur Arta Markun në Prokurorinë e Tiranës për shpërdorim detyre. Ato e akuzojnë se veprimet për lëvizjet e prokurorëve të dosjeve Tahiri dhe Shullazi janë bërë në mënyrë të qëllimshme për të shkatërruar hetimet.

Padija penale e opozitës, mosbindja e prokurorëve ndaj saj, si dhe kaosi që ka përfshirë gjithë sistemin e prokurorisë nën drejtimin e saj, duket se e kanë detyruar Markun të kuptojë se duhet të mbrojë imazhin e saj publik.

Mënyra që ka gjetur është qesharake: i ka dërguar letër popullit shqiptar.

Në letër, e cila fillon me fjalët ‘të dashur qytetarë të vendit tim’, Marku shprehet se ajo ka detyrimin institucional dhe qytetar ‘për të komunikuar dhe ndarë me ju dhe me këdo që i do të mirën këtij vendi, por edhe miqtë dhe partnerët ndërkombëtarë që asistojnë punën e institucionit të Prokurorisë në të gjitha nivelet, të vërtetën e kësaj situate të sajuar nga frika e përballjes me luftën kundër krimit të organizuar dhe korrupsionit, pa dallim.’

Në fakt, Marku ka detyrim institucional t’i raportojë Kuvendit të Shqipërisë dhe Presidentit të vendit dhe nuk ka asnjë detyrim as ndaj miqve ndërkombëtarë dhe as t’i shkruajë hartime popullit.

Duke shmangur mish-mashin letraro-burokratik në letër, gjen disa pika që meritojnë zhbirim të mëtejshëm. Kështu, në lidhje me çështjen Shullazi, Marku shprehet:

 ‘Për çështjen Shullazi ku një grup i caktuar prokurorësh refuzuan të ushtrojnë përgjegjësitë e tyre kushtetuese dhe ligjore, është caktuar një grup prokurorësh për të përfaqësuar akuzën në gjykim.’

Marku nuk thotë se kush janë këta prokurorë dhe si u caktuan ata, brenda pak orësh, pasi u bë e pamundur zgjedhja me short. Po ashtu, Marku nuk thotë se nëse prokurorët mund të zgjidheshin ligjërisht pa short, pse ajo zgjodhi fillimisht shortin.

Mbi të gjitha, Marku nuk i thotë asnjë fjalë ‘qytetarëve të saj të dashur’ si u arrit në situatën që duhen zëvendësuar prokurorët e Shullazit, pra nuk thotë se pse ajo zgjodhi që të lëvizte prokuroren e mëparshme të Shullazit, Elisabeta Imeraj.

Kurse në lidhje më çështjen Tahiri, Marku pohon:

 ‘Po ashtu, një grup tjetër prej katër prokurorësh po merret me çështjen Tahiri, nga momenti i regjistrimit të saj.’

Sërish, Marku nuk shpjegon se kush janë këta katër prokurorë, dhe si u zgjodhën ata. Edhe në këtë rast, Marku nuk sqaron se pse u lëvizën prokurorët Imeraj dhe Hajdarmataj nga detyrat e tyre dhe për rrjedhojë nga dosja Tahiri. Në mënyrë të veçantë, ajo duhet të shpjegojë bazën ligjore të largimit të prokurorit Hajdarmataj, pasi është e qartë se ligji nuk e lejon atë të bëjë lëvizje prokurorësh dhe ndryshim të drejtuesve të prokurorisë.

Në fakt, Marku ka ndryshuar të gjithë drejtuesit kryesorë të sistemit të prokurorisë në mënyrë të paligjshme—në mënyrë interesante ajo ka emëruar kudo drejtuese femra, përfshi Donika Prelën tek Krimet e Rënda, Elisabeta Imerajn në Tiranë dhe Anita Jellën në Durrës.

Por ndoshta pika më kulmore e letres është në paragrafin e mëposhtëm:

 ‘…ju garantoj, se përsa kohë do të jem në detyrën që më ka ngarkuar Parlamenti shqiptar, sovrani im dhe i juaji, të dashur qytetarë të vendit tim, unë jam e vendosur për të zbatuar pa hezitimin më të vogël Kushtetutën…’

Duke dëshmuar padije të thellë të sistemit tonë politik e juridik, Marku e quan parlamentin si Sovran të popullit. Është momenti që Marku të mësojë se sovrani është populli, Kuvendi është thjesht përfaqësuesi i popullit, pra shërbëtori i sovranit. Kuvendi nuk është as sovrani i Arta Markut—populli dhe Kushtetua, si vullnet i popullit, janë.

Botuar në Exit.al

© SYRI.net

Lexo edhe

Komentet

krasasi tp22/09/2018 17:18

Znj.Ajo,une nuk po e mbroj Znj.Marku se nuk kam arsye ta bej, por po e "justifikoj", dhe po e meshiroj dhe kjo eshte me rende se ato qe i permendni ju. Ju keni te drejte, Nese nuk kishte mundesi ,fuqi dhe mbeshtetje pse duhet ta pranonte kete post.Une do deshiroja qe zonja te ishte nje Falkone apo Borselino por fat i keq qe nuk eshte.Por nese nuk çfaqet ndonji si Ta ne keto ane si mendoni ,cfare zgjidhje rekomandoni.Ne parashtrimin tim une e paraqes situaten komplekse,ku nuk shquhet
se ku fillon mafja e ku mbarojne struktura edhe politke edhe te institucioneve publike ,ku mafja livadhis si ne kopshtin personal.Ne mos gaboj Z.O.Bylykbashi ka postuar nje shkrim ku i kerkon Znj.Ymeraj te filloj proçedurat per pezullim te K/PPP Znj.Marku per gjithe shkeljet e konstatuara veçanerisht me levizjet e prokuroreve , shkelje te tjera proçeduriale, largimi i prokuroreve bash kur ata jane investuar per dosjen Tahiri psh etj. Z.Bylykbashi eshte te pakten nje jurist i njohur dhe nese Znj.Ymeraj e ka kopetencen siç ja rekomandon Ai per pezullim te K/PPP dhe nuk e ushtron, atehere une ne gjithe parashtrimin tim kam te drejte.Nese e ushtron ky do ishte nje rast fatlum.Shqiperija do kishte "Silvia Konten" e vete.Edhe opozita do shpetonte nga ne qytetaret grinjar , se ku eshte, cfare po ben etj.Ne nje vend ku Mazhoranca ,Opozita dhe PA shfaqen si "Triniti e Shenjte" çdo bej K/PPP.

Ajo22/09/2018 15:43

Z. Krasasi tp..
Kjo e “ nderuar” zonje nuk eshte pa faj, nuk eshte thjesht viktime e Rames apo e parise ambasadoriale.
Ajo, presupozohet te kete inteligjencen minimale fale shkollimit qe ka mare per te kuptuar se u propozua ne menyre te hapur antikushtetuese per ate pozicion me nje qellim te caktuar. Per te mos folur pastaj rezistencen e forte te opozites dhe te disa juristeve shume te mire per rrezikun dhe pasojat shume te renda qe do vinin nga emerimi i saj “ i perkohshem” ne krye te prokurorise. Gjithashtu, nese keni kujtese te mire, sillni ndemend paralajmerimin e forte qe i beri opozita ( ne mos gaboj ishte Z. Alibeaj) Z. Marku per te mos u bere kamikaze e Rames dhe bemave te Rilindjes se kriminalizuar. Ia permenden qartesisht se jo vetem do shkaterronte karrieren dhe integritetin e saj moral dhe etik, por do vinte nje dite kur do te pergjigjej penalisht per veprimet e saj. Por cfare beri Z. Marku? Ne mes tymit dhe ulerrimave dhe te kundershtimit te forte te opozites ne parlament per kete shkelje flagrante te kushtetutes, Z. Marku rrembeu mikrofonin dhe me ze te mekur tha betohem dhe u largua si cub nga salla. Keshtu qe mos i dilni ne mbrojtje dikujt qe e dinte shume mire se cfare po bente. Ajo per mendimin tim eshte shume mediokre, nuk ka pregatitjen e duhur intelektuale apo profesionale, por nuk eshte me te meta mendore qe ta heqe Rama per hunde pa vullnetin e saj.

krasasi tp22/09/2018 14:26

Per K/PPP Znj.Marku sinqerisht me vjen keq.Eshte turp per politiken dhe nderkombetaret qe vendosen per te ber koke turku nje zonje.Kanabizimi i vendit ka qene nje projekt politik i mbeshtetur edhe nga parija ambasadoriale e Tiranes mendoj une.Te denosh S.Tahirin sot eshte jashtezakonisht e veshtire.Te denosh Shullazin eshte jashtezakonisht e veshtire pasi ka qene nje projekt politik dhe me mbeshtetje ambasadoriale edhe falsifikimet qe cuan ne tjetersimin e pronave , dhe vrasjet e krimet qe i pasuan keto dy vendimarrje..Dy vendimarrjet e medha te kryera edhe ne konspiracion domosdo do gjitheperfshinin edhe Shullazin edhe Delijorgjin e me radhe e me radhe.Znj.Marku mesa duket vetem kur u fut ne uji, e pa sa i akullt ishte.Te denosh Shullazin etj duhet tu pervishesh edhe politikaneve.Shpresa e Znj.Marku se ta shtyj sa ta shtyj sa te krijohen SPAK e BKH ,per t'ua lene atyre stafeten, mesa duket deshtoj ngase politika po e saboton krijimin e struturave te reja.Znj.Marku eshte ne pritje qe politikanet ta bejne vet vetingun, pra t'ja fusin njeri tjetrit siç po i meshohet sot fort nga Z.Basha.Kur te ndodh kjo, me 36 Gusht, atehere gjykon Znj.Marku filloj dhe eglendisem une me kriminelet."Komisari ishte loja".Znj.Marku si K/PPP ju konvenonte politikaneve te korruptuar, parise ambasadoriale te Tiranes, por edhe krimineleve.Ka ngelur qe ose SHBA dhe Gjermanija dhe BE te trysnojne politikanet per ta zhbllokuar RD,te shpejtohet ngritja e strukturave te reja, ose qytetaret te ngrihen per rithemelimin e pluralizmit.Ka edhe nje rruge tjeter.Politikanet ne grup te te gjithe kraheve te japin doreheqje te pa revokushme duke kerkuar ndjese.Kush eshte i lare te kerkoj vullnetarisht ti neneshtrohet me proçedure te pershpejtuar vetingut ne te tre komponentet, njelloj si gjyqtaret dhe prokuroret.Sipas gadishmerise qe shfaqi Z.Berisha ne studio televizive.Veting me mbikqyrje te nderkombetare.

gramoz22/09/2018 14:09

Pse merreni me ket katunare, kjo osht per te ardh keq niveli inteligjences zero, kjo fakirja osht si ato idjotet qe vinte enver dylberi loqja shenka me kompani, keshtu i emeron dhe Ed pederi disa mjerane si kjo katunarja.

Ajo22/09/2018 13:46

Ky eshte kulmi!
PREKURORJA ( jam e bindur se edhe Arta Marku ashtu si Gramoz- injoranti po njelloj nuk di ta shqiptoje drejt kete fjale) e Perkohshme ( e perhershme) e Pergjithshme nuk e ka idene se kush eshte sovrani i vertete. Besoj se edhe shqiptari me i thjeshte me nje arsim minimal, te pakten e di se de juro sovrani i vertete eshte populli dhe vetem populli!
Por ama Arta Marku, juristja jone e “shquar”, super e edukuara nga Magjstrati dhe ne krye te Prokurorise se vendit, ditkerka qe sovrani qenkerka parlamenti!
Thuaj pastaj qe Rama nuk eshte gjenial perderisa zgjodhi kete superinjorante ne ate pozicion qe po i sherben me besnikerine e qenit.

Daj Jaku22/09/2018 13:44

Kjo është një copë maloke sykë kokë e këmbë. Një çfaqje të tillë të neveritëshme me një letër "mallëngjyese" që të derdh ujrat, drejtuar kujt?.. popullit. A ka tragjekomedi më ashiqare se kaq për të kuptuar se deri ku ka rënë sistemi? Pilivesa ka çu letër, don me ba hallën synet, vjen berberi javës tjetër, ja pret hallës me lezet. Shteti i EDramës !?!?!?

Shto koment

Denonco