udit e politiks26/05/2018 08:47

Skandali i fundit me prokurorinë e Durrësit, ku nuk bëhet fjaë thjeshtë për vjedhje ordinere parashë në bankë por të dokumenteve kompromentuese të krimit, është ngjarja më e rendë për këtë qeveri mafioze. Pra është kapaku i gjithë skandaleve të kësaj qeverie.
Është treguesi më flagrant se deri ku ka shkuar frika e kësaj qeverie që i druhet zbulimit të maskarallëqeve të saj.
Mjafton të përmendim faktin se prokurorja Arta Marku e zgjedhur nga Rama, përzgjedh kryeprokuroren e Durrësit pasi ka hequr kryeprokurorin e krimeve të rënda që ndiqte Tahirin, për të kuptuar gjithë prapaskenën e kësaj fëlliqesie.
Në asnjë mënyrë nuk duhet të analizohen skandalet e kësaj qeverisje mafioze, të ndara nga njera tjetra. Çdo ngjarje që ndodh përditë e që lë qoftë edhe hijen më të vogël të dyshimit, duhet analizuar në tërësinë e veprimeve mafioze të Edi Ramës.
Mafia e ka gjithmonë një pikë kritike ku dashur pa dashur vetëdemaskohet.
Duke dashur të mbulojë skandalin flagrant të vëllezërve Xhafaj, me stilin e Taulant Ballës , një shpifësi profesionist disa herë të ndëshkuar për këtë nga drejtësia, po përdor "argumentin" idiot se opozita qënka "e dashuruar" pas Babales me qëllim që të pengojë proçesin e integrimit.
Që këtë idiotësi ta besojnë enveristë trushpëlare, militantë partiakë injorantë, ushtria e Mero Bazes, nuk do të quhej ndonjë e keqe e madhe, por të dalë publikisht një farë piktori vlonjat si Fate Velaj, që ka bërë njëfarë emri në Europë si medemek intelektual, e vetëm për hir të deputetllëkut që ja ka dhuruar Rama, njëson publikisht opozitën me Babalen, kjo i kalon të gjitha caqet e imoralitetit.
Kësisoj "politikanësh" janë ku e ku më të korruptuar se skafistë vlonjatë të drogës si Babalja..