Hajdutëria në kup të qiellit

Hajdutëria në kup të qiellit

Nga Bujar Nishani - 25/04/2018

Agjencia e Prokurimeve Publike raporton se vitin e kaluar qeveria bëri 2234 tendera të mbyllur.  Kjo do të thotë se një e treta e tenderave me paratë e shtetit bëhen pa garë, ç'ka rrit abuzimin skandaloz me paratë publike.

Sipas të dhënave të vetë Agjensisë, rezulton se qeveria ka shpenzuar vitin e kaluar mbi 60 milionë euro në tendera ku ka caktuar fituesin drejtpërdrejtë pa garë. Vlera fituese ka rezultuar sa 99.3 për qind e fondit limit.

Kur nuk ka garë, fituesi i paracaktuar abuzon me maksimumin e fitimit për veten e tij dhe shpenzimin maksimal të parave publike. Kjo është thjesht dhe troç, grabitje e parave të buxhetit të shtetit!

Konkurrimi në tendera bëhet pikërisht për të siguruar ofertën më të leverdisëshme dhe standardin më të lartë që paraqitet nga konkurruesit.

Deri në vitin 2013 këto tenderime bëheshin vetëm elektronikisht, ku askush nuk kishte mundësi të zbulonte paraprakisht ofertat.  Tani hajdutëria ka mbërritur në kup të qiellit. Pa konkurrim fare !!!

Më tej, kur shikon se shumica e këtyre tenderave bëhen jo për shërbime publike por për zyra, makina, palma rrugësh dhe roje, kupton pse nuk dalin paratë për spitale dhe shkolla, për rrogat dhe pensionet, për shërbimet sociale ndaj të pamundurve.

Media njofton se Kryeministria ka hapur një tender për të blerë 12 karrige për zyrën e kryeministrit. Fondi për këtë blerje rezulton se një karrige e tillë do të kushtonte rreth 26 milion lekë ose rreth 20 mijë euro. Kjo vlerë është e barabartë me asistencën sociale të 1000 familjeve të varfëra që mbajnë frymën për një muaj. 

Thënë ndryshe, 12 karriget e kryeministrit kushtojnë sa asistenca sociale e 12 mijë familjeve. Një shumë e tillë do të ishte e mjaftueshme për një Qëndër Shëndetësore lokale diku. Një qendër shëndetësore që qytetarët nga Kukësi apo Tepelena, Peshkopia apo Berati, Lezha apo Lushnja, Rrësheni apo Saranda të mos torturoheshim rrugëve për të mbërritur në spitalet e Tiranës e qëndronin me orë pas dyerve në radhë të gjata që të kujtojnë kohën e diktaturës përpara dyqaneve të ushqimit. 

Kjo shumë do të ishte e mjaftueshme për të rikonstruktuar disa shkolla në zonat rurale ku fëmijët e shqiptarëve qëndrojnë si rifuxho në pikun e acarit dhe torturës njerëzore të dimrit zbuluar. Por normalja nuk funksionon në Shqipëri.

Arsyeja jemi ne, jo qeveria të dashur miq, fatkeqësisht !

Në një shtet normal, do të funksiononin institucionet, të paktën.  Por, sa kohë institucionet antikorrupsion të qeverisë nuk funksionojnë, i del përgjegjësia opozitës jo vetëm t'i denoncoj këto afera por të krijojë pranë saj një ekip të gjerë juristësh dhe të përgatisë të gjitha dosjet penale për çdo rast të makutërisë qeveritare me paratë e shqiptarëve. Ato t'i bëjë publike dhe depozitojë në prokurori. Shqiptarët do ta duartrokisnin këtë akt !

© SYRI.net

Lexo edhe

Komentet

gramoz25/04/2018 15:43

Kronike e paralajmeruar per popullin shqipetar ardhja e qelbesirave ne pushtet, e paralajmeroi nje nga keta ripjerdhsa Shalsi ne top chenel me thenjen lapidar ne nuk do vjedhim si keta por do vjedhim ashiqare siç edhe po e bejne ç'do dit.

Tironci25/04/2018 12:38

Sa per venie ne pah te korrupsionit qeveritar po e bejne dhe njerezit e thjeshte. Po e ben dhe USA state departament. Le ta beje dhe opozita po mendo o zBujar qe dhe opoziten e ka blere Rama. Sa dekonspironi Ramen e diskredituar dilni kunder kunder establishmentit 28 vjecar ku keni qene pjese dhe vete dhe celni nje fryme te re. Sistemi yne social ekonomik eshte ne prag te vdekjes o do ju mare me vehte o dilni kunder tij. To be or not to be eshte ceshtja Z.Nishani

Shto koment