Dr David Kasle tha se një specialist ORL sheh "dhjetëra, nëse mos më shumë insekte ose një lloj artropodi" në veshët e pacientëve gjatë karrierës së tyre.

Një grua shkoi në një klinikë pasi pati vështirësi për të fjetur për ditë të tëra dhe mjekët gjetën një merimangë që zvarritej brenda veshit të saj. 64-vjeçarja, nga Tajvani, ndjeu lëvizje në veshin e saj të majtë për disa net në prill, pas disa kërcitjesh dhe shushurimash para se të vendoste të shkonte te mjekët.

Mjekët gjetën një merimangë të vogël që lëvizte rreth kanalit të veshit të saj. Ajo kishte lëshuar ekzoskeletin e saj aty pranë. Dr Tengchin Wang, drejtor i departamentit të otolaringologjisë në Spitalin Komunal Tainan tha se mjekët më pas përdorën një tub për të thithur merimangën dhe ekzoskeletin. Ai shtoi se gruaja "nuk ndjeu dhimbje sepse merimanga ishte shumë e vogël" rreth dy deri në tre milimetra.

Por duke qenë se ishte rasti i parë që ai kishte parë një insekti brenda veshit të një njeriu, ai shkroi një raport në New England Journal of Medicine. Dr Wang gjithashtu i kërkoi publikut që të kontrolloheshin nëse kanë të njëjtat simptoma. Dr David Kasle, një mjek në ENT Sinus and Alergy të Floridës Jugore, tha se imazhi i insektit nga raporti i Dr Wang ishte "i pazakontë dhe shqetësues".

Por ai shtoi se një specialist ORL sheh "dhjetëra, nëse mos më shumë insekte ose një lloj artropodi" në veshët e pacientëve gjatë karrierës së tyre.

Ai tha: "Ka një shtresë jashtëzakonisht të ndjeshme, të hollë të lëkurës që përshkon kanalin e veshit të quajtur kanali i jashtëm i dëgjimit. "Për shkak të ndjeshmërisë, do të ndjeni si një zvarritje, një gudulisjeje që është pothuajse e padurueshme."

Në raportin e ri, dr Wang rekomandoi përdorimin e lidokainës ose etanolit për të vrarë insektet më të mëdha, duke i ndaluar ata të lëvizin dhe të dëmtojnë veshin. Por kjo duhet të shmanget nëse daullja e veshit ka vrimë, gjë që mund të jetë e vështirë për t'u përcaktuar vetë nga njerëzit./ Newssky- Përshtati në shqip SYRI.net