Familja e një amerikani që u mbyt pasi ra nga një urë e shembur fajëson Google për vdekjen e tij, sepse nuk arriti të përditësonte hartat e saj.

Familja e Philip Paxson ka paditur kompaninë për vdekjen e tij, duke pretenduar se kompania ishte neglizhuese duke mos deklaruar se ura ishte shembur nëntë vjet më parë, raporton Guardian.

Paxson vdiq në shtator 2022 pasi u përpoq të kalonte me makinë mbi një urë në Hickory, Karolina e Veriut. Një zëdhënës i Google tha se kompania po i shqyrton akuzat dhe çështja është depozituar në Gjykatën e Qarkut Wake.

Paxson, baba i dy fëmijëve, po shkonte në shtëpinë e një miku të tij dhe ishte në një pjesë të panjohur të qytetit në kohën e vdekjes së tij, pretendon padia e familjes.

“Duke qenë se ai nuk i njihte rrugët lokale, ai u mbështet në Google Maps, duke pritur që ta udhëzonte të sigurt në shtëpi”, thanë avokatët e familjes.

Padia akuzon gjithashtu tre firma lokale që dyshohet se iu kërkua të mirëmbanin urën./ euronews/