Në një zonë të Kajros në Egjipt, janë zbuluar qindra arkivole të lashtë dhe statuja bronzi.
Gjatë së hënës, u zbuluan 250 arkivole të lashta dhe 150 statuja të vogla që datojnë 2500 vite më parë. Statujat përshkruanin figurën e maces dhe hyjnive egjiptiane.
Saqqara, vendi ku u zbuluan, mendohet të ketë qenë një vend ku bëheshin varrimet e lashta.
Ministria e Turizmit në një postim në Facebook deklaroi se ky zbulim ishte më i madhi i bërë ndonjëherë, i artefakteve që datojnë në këtë periudhë.
Nga statujat që u zbuluan ishin dhe ato të perëndive; Anubis, Amun, Min, Osiris, Isis e Hathor.
Brenda një prej arkivoleve u gjet dhe një papirus hieroglifi i ruajtur shumë mirë, i dërguar në Muzeun e Kajros për analiza të mëtejshme.
© SYRI.net