SYRI TV/ Shtyhet mbledhja e Komisionit së Reformës Zgjedhore, drejtori i Policisë në mungesë

Mungesa e drejtorit të përgjithshëm të Policisë së Shtetit, Skëndër Hita, në mbledhjen e Komisionit të Reformës Zgjedhore për të raportuar mbi problematikat për zgjedhjet ka sjellë shtyrjen e mbledhjes. Vendimi u mor pas ngritjes së shqetësimit nga përfaqësuesit e opozitës dhe, pas disa minutash diskutime, u vendos shtyrja e mbledhjes për një datë tjetër.

SYRI TV

Mbledhja e sotme e Komisionit të Reformës Zgjedhore është shtyrë pasi ishte përcaktuar për të raportuar Drejtoria e Përgjithshme e Policisë së Shtetit. Por mungesa e drejtorit Skëndër Hitaj në komision ka bërë që dy palët të vendosin shtyrjen, duke kërkuar përfaqësimin e policisë me drejtorin e përgjithshëm, por edhe me disa vartës të tij.

Në të njëjtën linjë me dy bashkëkryetarët ishin edhe deputetët e tjerë të opozitës, të cilët ngritën shqetësimin për mungesën e drejtorit të përgjithshëm të Policisë.

Puna e Komisionit të Reformës Zgjedhore u shty me disa muaj pas përfundimit të afatit të tij të parë, por me konsensusin e dy bashkëkryetarëve u vendos që afati të shtyhej për disa muaj.