Gjykata e Posaçme e Apelit për Korrupsionin dhe Krimin e Organizuar ka lënë në burg dy vëllezërit Artur dhe Klevis Hoxhosmani, duke lënë në fuqi vendimin e Shkallës së Parë.
Ata ndodhen në qeli që prej korrikut të vitit të kaluar pas goditjes së grupit kriminal që vepronte në fushën e trafikut të kokainës nga Amerika Latine drejt Evropës.
Vëllezërit Hoxhosmani akuzohen se në bashkëpunim me të tjerë kanë trafikuar kryesisht gjatë vitit 2020 6 ton kokainë me vlerë tregu 411 milionë euro.
SPAK e zbërtheu grupin kriminal në saj të komunikimeve në Sky Ecc dhe Encrochat. Ishte hetimi që Prokuroria e Posaçme kishte nisur për atentatin ndaj ish-Prokurorit Arjan Ndoja që çoi në zbulimin e grupit që mbushi me kokainë gjithë Europën.
SPAK ka të dokumentuar aktivitetin e tyre kryesisht në vitin 2020 ku tonelata droge kanë kaluar nga Ekuadori për në vendet e BE.
Një ndihmë për zbardhjen e aktivitetit të grupit ka dhënë edhe bashkëpuntori i drejtësisë Erjon Alibej, edhe ky pjese e këtij grupi.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Shpërthim me lëndë plasëse në fshatin Balldre të Lezhës, shoqërohet një person
Cllevio sërish në GJKKO, dëshmon në gjyqin ndaj Laert Haxhiut dhe sherrin me Noizyn
Të shtënat me armë në Lezhë si pasojë e sherrit në lokal/ Zbardhet EMRI i të plagosurit