Ndërhyrja e Policisë në Sarandë ka parandaluar përshkallëzimin e një konflikti mes fqinjësh që mund të kishte përfunduar në ngjarje të rëndë kriminale.
Shërbimet e Komisariatit të Policisë Sarandë arrestuan në flagrancë shtetasin Shefki Kaçupaj, 62 vjeç, pasi dyshohet se hyri i armatosur në banesën e fqinjëve të tij dhe i kanosi ata me armë zjarri.
Sipas Policisë, pas njoftimit të marrë nga një shtetase se fqinji i saj kishte hyrë në banesën e saj në lagjen nr. 4, i armatosur me pistoletë dhe kishte kanosur atë dhe familjarët, shërbimet policore organizuan menjëherë ndërhyrjen dhe shkuan në vendngjarje për neutralizimin e autorit.
Si rezultat i reagimit të shpejtë dhe profesional të policisë, u bë i mundur arrestimi i 62-vjeçarit dhe sekuestrimi i armës së zjarrit, një pistoletë me mulli.
Nga hetimet paraprake dyshohet se konflikti mes fqinjëve kishte lindur për shkak të mosmarrëveshjeve mbi shfrytëzimin e një pjese të përbashkët, konkretisht të tarracës së pallatit ku ata banonin.
Materialet procedurale i janë referuar Prokurorisë pranë Gjykatës së Juridiksionit të Përgjithshëm Sarandë, për veprime të mëtejshme.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Shqiptari dënohet me 20 vjet burg për vrasjen e partneres së tij
U aksidentua pak ditë më parë në Fier, ndërron jetë në spital 7-vjeçarja
Amnistia e socialistëve fal dhëndrin e ish-kryebashkiakut të Elbasanit, lirohet Sokol Sanxhaktari