Agjencia e mbikëqyrjes Policore ka reaguar një ditë pas vrasjes mafioze të ndodhur në Rinas, ku i plagosur rëndë mbeti një agjent i kësaj njësie dhe viktimë Gilmando Dani.
Drejtuesi i Përgjithshëm i AMP-së, Eduart Merkaj thotë se ka pezulluar nga detyra agjentin Muçi Shaljani dhe zinxhirin komandues.
Nga raportimet e bëra pas ngjarjes së rëndë, Muçi Shaljani është rekrutuar para 3 muajve nga ish-drejtori Artjon Saliasi dhe thuhet nuk ka marrë pjesë në asnjë aksion të AMP-së edhe para ngjarjes së djeshme.
Gjithashtu nga burime për SYRI-n, mësohet se ish-drejtuesi Artjon Saliasi është larguar nga AMP në momentin që Eduart Merkaj ka ardhur si drejtues i ri.
Reagim i Agjencisë së Mbikëqyrjes Policore:
Nisur nga interesi i medias dhe ndjeshmëria e ngjarjes të ndodhur ditën e djeshme në rrethrrotullimin pranë aeroportit "Nënë Tereza", ku rezulton i përfshirë edhe punonjësi i Agjencisë së Mbikëqyrjes Policore, Muçi Shaljani, i cili ka mbetur i plagosur dhe po merr ndihmën mjekësore, AMP ka nisur menjëherë verifikimin e brendshëm të procedurave administrative të ndjekura si edhe praktikën e plotë me agjencitë përkatëse dhe Policinë e Shtetit, në lidhje me procedurën e rekrutimit tij, prej shtatorit 2025.
Ndërkohë Drejtori i Përgjithshëm i Agjencisë së Mbikëqyrjes Policore, Eduart Merkaj, ka urdhëruar pezullimin e zinxhirit komandues të strukturës së Forcës së Posaçme Operacionale të AMP-së deri në zbardhjen e plotë të rrethanave të ngjarjes.
Në komunikimet në vijim do të bëhen me dije rezultatet e këtyre veprimeve.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Vdes polici gjatë ndjekjes në Itali, arrestohen dy shqiptarë të dyshuar për arratisjen me SUV
Protestë në lagjen Koçiaj të Varibopit, banorët bllokojnë punimet: Duam rrugën e plotë dhe jo gjysmën
Aksident në autostradën Fier–Vlorë pranë Mifolit, përplasen dy mjete, plagosen tre persona