Një ngjarje e rëndë ka tronditur komunitetin e Dukatit në orët e para të mëngjesit të 6 shtatorit, kur një aksident rrugor i ndodhur rreth orës 01:00 të natës përfundoi me humbjen e jetës së një të riu.

Viktima është Fadil Bodoj, vetëm 22 vjeç, banor i zonës, i cili nuk arriti t’u mbijetojë plagëve të rënda të marra gjatë përplasjes. Pavarësisht ndërhyrjes së shpejtë të shërbimeve mjekësore dhe përpjekjeve të vazhdueshme për ta mbajtur në jetë, gjendja e tij shëndetësore ishte tepër kritike.

Lajmi i ndarjes së parakohshme nga jeta të të riut ka sjellë një dhimbje të thellë për familjen Bodoj dhe për gjithë komunitetin lokal, ku Fadili njihej si një djalë i sjellshëm, punëtor dhe me shumë ëndrra për të ardhmen.

Autoritetet janë duke hetuar shkaqet e plota të aksidentit.