VIDEO/ Kapet duke ujitur kanabis në oborrin e shtëpisë, arrestohet 66-vjeçari në Krujë

Në kuadër të planit operacional policor anticannabis të koduar “Koordinata”, shërbimet e Komisariatit të Policisë Krujë kanë goditur dy raste të tjera të kultivimit të bimëve narkotike në fshatin Bilaj.

Si rezultat i operacionit u arrestua në flagrancë shtetasi P. Ç., 66 vjeç, pasi u kap duke ujitur 54 bimë narkotike të kultivuara në oborrin e banesës së tij; U shpall në kërkim shtetasi Xh. Sh., 62 vjeç, ndërsa për babain e tij, P. Sh., 82 vjeç, nisi procedimi në gjendje të lirë, pasi dyshohet se kishin kultivuar 50 bimë narkotike në dy parcela të ndryshme.

Njoftimi i policisë:

Krujë/Në kuadër të planit operacional policor anticannabis, të koduar “Koordinata”, goditen 2 raste të tjera të kultivimit të bimëve narkotike.

Identifikohen autorët e të dyja rasteve në fshatin Bilaj, dhe asgjësohen bimët narkotike.

Shërbimet e Komisariatit të Policisë Krujë, si rezultat i punës kundër veprimtarisë kriminale të kultivimit të bimëve narkotike, evidentuan dhe goditën 2 raste të tjera në këtë fushë, për të cilat:

-u arrestua në flagrancë shtetasi P. Ç., 66 vjeç, pasi u kap duke ujitur 54 bimët narkotike që kishte kultivuar në oborrin e banesës së tij;

-u shpall në kërkim shtetasi Xh. Sh., 62 vjeç, si dhe u referuan materialet në Prokurori, ku nisi procedimi në gjendje të lirë për babanë e tij, shtetasin P. Sh., 82 vjeç, pasi nga një hetim i ndjekur me metoda speciale, në drejtimin e Prokurorisë së Tiranës, dyshohet se kishin kultivuar në 2 parcela, 50 bimë narkotike. Punohet për kapjen e shtetasit Xh. Sh.

Materialet procedurale iu referuan Prokurorisë së Tiranës, për veprime të mëtejshme.