Devoll/ Parandalohet ngjarja kriminale në familje, arrestohet 24-vjeçari me armë pa leje

Parandalohet ngjarja kriminale në familje, pas ndërhyrjes së menjëhershme të Policisë në fshatin Tren. Një 24-vjeçar u arrestua në flagrancë pasi dhunoi bashkëshorten dhe u kap me armë gjahu pa leje në banesën e tij.

Policia ka sekuestruar armën dhe municionin, ndërsa rasti iu referua Prokurorisë për veprat penale “Dhuna në familje” dhe “Mbajtja pa leje e armëve

Njoftimi:

Devoll/Ndërhyrja e menjëhershme e Policisë parandaloi një ngjarje kriminale në familje

Dhunoi bashkëshorten në banesën e tyre në fshatin Tren, ku mbante pa leje një armë gjahu; kapet 24-vjeçari.

Sekuestrohen në cilësinë e provës materiale arma e gjahut dhe një gjerdan me disa fishekë të saj.

Si rezultat i administrimit të menjëhershëm të denoncimit nga një 19-vjeçare, se bashkëshorti e kishte dhunuar, shërbimet e Komisariatit të Policisë Devoll parandaluan përshkallëzimin e dhunës, duke bërë kapjen në flagrancë dhe arrestimin e autorit, shtetasit F. H., 24 vjeç, banues në fshatin Tren.

Në vijim të veprimeve policore, gjatë kontrollit në banesën e këtij shtetasi, u gjet dhe u sekuestrua në cilësinë e provës materiale:

1 armë gjahu, e mbajtur pa leje;

një gjerdan me disa fishekë të kësaj arme.

Materialet procedurale iu referuan Prokurorisë së Korçës, për veprat penale “Dhuna në familje” dhe “Prodhimi dhe mbajtja pa leje e armëve të gjuetisë dhe sportive”.