Një shpërthim ka ndodhur në portën e oborrit të një banesë në Shkodër, pas mesnate.  

Sipas Policisë, ngjarja ka ndodhur rreth orës 3:40, në lagjen "Tom Kola", Shkodër, tek porta e oborrit të banesës së shtetases F. S., 62 vjeçe, ku është hedhur lëndë plasëse. Si pasojë janë shkaktuar vetëm dëme materiale.

Menjëherë në vendngjarje kanë shkuar forcat e Policisë   të cilat vijojnë kontrollin në zonë.

Ndërkohë grupi hetimor  po kryen veprimet për sqarimin e rrethanave të ngjarjes, identifikimin dhe kapjen e autorit.