Largohet nga posti i drejtuesit të Agjencisë së Mbikëqyrjes Policore, Ardi Veliu.

Burime për  gazetaren e Syri TV, Bleona Sari bëjnë me dije se sot pas mbledhjes së mëngjesit Veliu i ka raportuar vartësve të tij se nuk do të jetë më drejtues i tyre.

Të njëjtat burime thonë se Veliu është shkarkuar nga detyra pas skandalit të përgjimeve të SKY dhe EncroChat.

Lajmin e konfirmoi edhe vetë Veliu, i cili deklaroi se: “Po e dorëzova dorëheqjen, më në fund”.

Veliu e mbante postin e drejtuesit të AMP prej gati një viti.

Më herët Veliu ka qenë në postin e Drejtorit të Përgjithshëm të Policisë së Shtetit si dhe atë të zv.ministrit të Energjisë dhe Infrastrukturës.