Reshjet e dendura të shiut gjatë natës kanë krijuar probleme në qarkun e Dibrës. Në Rrugën e Arbrit, në aksin e Murrizit, të Xibit dhe atë Bulqizë-Maqellarë ka pasur rënie gurësh mbi shtratin e rrugës dhe rrezik për aksidente. Vështirësi janë krijuar edhe në aksin tjetër nacional Burrel-Skuraj, kryesisht në segmentin e Shkopetit.
Rrebeshi në afërsi të urës së Çerenecit ka shkaktuar mbulimin me ujë të urës dhe rrëzimin e gurëve në rrugë.
Përmbytja e urës është shkaktuar nga bllokimi i kanaleve anësore të rrugës dhe i shkarkuesve.
© SYRI.net