Gjashtë të arrestuar, mes tyre dhe një ish-efektiv i policisë, është bilanci i operacionit ndërkombëtar të antidrogës, ku 'Guardia di Finanza', DEA amerikane dhe policia shqiptare goditën një grup kriminal, që bazën e trafikut e kishte në Fushë-Kuqe.
Mësohet se ish-efektivit të policisë, Ardit Ismailukaj, i janë gjetur 10 milionë lekë ‘cash’.
Zëvendësdrejtori i policisë refuzoi në daljen publike që të sqaronte nëse ish-polici ka lidhje me këtë grup kriminal.
Ndërkohë që dje, pasi vunë re se ishin pikasur nga policia, trafikantët i vunë flakën velierës.
Dje dhe sot është ushtruar kontroll në një kompleks luksoz në Fushë-Kuqe, ku mendohet se ka qenë dhe baza e këtij rrjeti kriminal, që thuhet se i përket një personi të dënuar dhe të shpallur në kërkim ndërkombëtar për trafik heroine.
Disa prej të arrestuarve kanë refuzuar që të japin shpjegime, pavarësisht tentativës së oficerëve.
© SYRI.net