Një ngjarje e rëndë ka ndodhur në Fier, ku bashkëshorti ka plagosur me pistoletë bashkëshorten dhe më pas është larguar nga vendngjarja.
Sipas burimeve për SYRI-n, mësohet se shtetasi Robert Kotsi 48 vjeç ka qëlluar me pistoletë bashkëshorten e tij Nertila Furrxhiu 28 vjeç.
Shërbimet e Policisë janë vënë në ndjekje të autorit, kanë rrethuar zonën dhe bënë të mundur kapjen dhe arrestimin në flagrancë të tij duke sekuestruar edhe pistoletën.
Njoftimi i policisë/ Fier
Plagosi me armë zjarri bashkëshorten dhe u largua nga vendngjarja, falë reagimit në kohë të Policisë, kapet dhe vihet në pranga autori.
Pas njoftimit të marrë se në lagjen "Sheq i Madh" ka ndodhur një plagosje me armë zjarri, shërbimet e Policisë kanë shkuar menjëherë në vendngjarje dhe nga veprimet e para hetimore, rezultoi se shtetasi R. K., 49 vjeç, pas një konflikti me bashkëshorten e tij, shtetasen N. F., 28 vjeçe, e ka plagosur atë me armë zjarri pistoletë dhe është larguar.
Shërbimet e Policisë janë vënë në ndjekje të autorit, kanë rrethuar zonën dhe falë veprimeve të shpejta operacionale, pas disa minutash, bënë të mundur kapjen dhe arrestimin në flagrancë të tij.
U sekuestrua në cilësinë e provës materiale arma me të cilën shtetasi R. K. plagosi bashkëshorten e tij.
Shtetasja N. F. ndodhet në spital, në kujdesin e mjekëve.
Grupi hetimor ndodhet në vendngjarje dhe në bashkëpunim me Prokurorinë vijon punën për sqarimin e plotë të rrethanave të ngjarjes.
© SYRI.net