Të tjera detaje janë zbardhur nga ngjarja e rëndë në fshatin Zemblak të Maliqit.
Bashkëshorti ka vrarë gruan e tij dhe me pas e ka hedhur në gropën septike.
Ngjarja e rëndë mësohet se ka ndodhur mbasditen e sotme dhe viktima është gjetur nga nëna e saj, e cila ka njoftuar policinë lokale. Burime thonë se çifti ishte në proces divorci dhe nga muaji nëntor viktima kishte urdhër mbrojtje nga gjykata e Korçës.
Në kushte të tilla 46 vjeçarja Luiza Mullalli jetonte në banesë së bashku me fëmijët e saj ndërkohë që bashkëshorti nga dita e marrjes së urdhrit të mbrojtjes jetonte në banesë tjetër.
Çifti kishte tre fëmijë, dy vajza të martuara që jetonin jashtë dhe një djalë 20 vjeç që ndodhet këtu.
Ditën e sotme autori Gjergji Mullalli duke shfrytëzuar faktin se ish bashkëshortja ka qenë e vetme në banesë dhe i ka shkaktuar vdekjes bashkëshortes në rrethana ende të pasqaruara nga policia dhe më pas e ka hedhur në gropën septike, e cila ndodhet pas shtëpisë.
Autori pas ngjarjes është larguar në drejtim të paditur për policinë lokale e cila është vënë në kërkim të autorit të kësaj ngjarje të rëndë.
© SYRI.net