Një pjesëtar i Forcave të Armatosura është gjetur i pajetë pasditen e së mërkurës në Gjirokastër. Bëhet e ditur se, Ibrahim Ahmetaj rreth 27 vjeç është gjetur i vetëvarur nga familjarët, në afërsi të banesës së tij.
Ngjarja ka ndodhur rreth orës 18:30, në lagjen Gërhot. Policia njofton se nga këqyrja paraprake e trupit nuk janë konstatuar shenja dhune.
Nuk dihen motivet që e kanë çuar të riun drejt kryerjes së këtij akti ekstrem.
Policia e Gjirokastrës/ Informacion paraprak
Rreth orës 18:30, në fshatin Gërhot, Gjirokastër, është gjetur në afërsi të banesës, nga familjarët e tij, dyshohet i vetëvarur shtetasi I. A., rreth 27 vjeç.
Nga kqyrja paraprake e trupit nuk janë konstatuar shenja dhune.
Në vendngjarje ka shkuar grupi hetimor, po punohet për sqarimin e rrethanave të ngjarjes.
© SYRI.net