Vijon protesta e 70 punonjëseve të një fasonerie në Fier, të cilat nuk kanë marrë pagën prej rreth tre muajsh. Protestueset kanë paralajmëruar ndjekje penale ndaj kompanisë, ndërsa sindikata e tyre ka akuzuar inspektoratin e punës për mos reagim ndaj këtij problemi.
SYRI TV
Për të dytën herë në pak ditë, rreth 70 punonjëse të fasonerisë “Ozgurkan – Tahiraj”, kanë dalë në protestë, për shkak se prej rreth tre muajsh nuk kanë marrë pagat.
Punonjëset e fasonerisë akuzojnë kompaninë për evazion fiskal dhe mungesë të pagesës së sigurimeve shoqërore.
Ato paralajmërojnë se do të ndjekin penalisht çështjen e tyre, ndërsa mbështje kanë marrë dhe nga sindikata e fasonerive, e cila akuzoi inspektoratin e punës për heshtje ndaj kësaj situate.
Punonjëset e fasonerisë tregojnë se deri më tani nuk kanë marrë asnjë përgjigje nga kompania për çështjen e pagës.
© SYRI.net