Gjykata e Vlorës përcakton detyrim paraqitjeje për shtetasin Tolem Lamaj, i cili u arrestua pak ditë më parë pasi iu gjetën bimë të dyshuara opium. Ai u arrestua në banesën e tij në fshatin Drithas të bashkisë Selenicë. Vetë Lamaj, me profesion mësues, e ka hedhur poshtë këtë fakt.

Sipas Lamaj, bëhet fjalë për një bimë të egër që mbillet në fshat dhe nuk ka lidhje me opiumin. Ai ka thënë se arrestimi e ka rënduar ndërsa tashmë beson te vendosja e drejtësisë në vend. “Nuk e kam dëgjuar asnjëherë fjalën opium”, mësohet të ketë thënë Lamaj.

Lamaj u arrestua më 20 Maj dhe sipas policisë, kishte mbjellë në një ambient të hapur 70 bimë të dyshuara opium.