Rastet e vazhdueshme të konflikteve mes nxënësve në shkolla janë kthyer në një fenomen shqetësues, që ngre pikëpyetje mbi sigurinë në institucionet arsimore. Ekspertët e sigurisë dhe sociologët analizojnë faktorët që nxisin sjelljet kriminale, ndërsa theksojnë se duhet punuar më shumë për të shtuar mbështetjen psiko-sociale dhe kontrollet në shkolla.
Nga SYRI TV
Rastet e dhunës, zënkave dhe konflikteve mes nxënësve në shkolla janë kthyer në një fenomen tejet shqetësues. Rasti i fundit ishte ai në Gramsh ku pas një sherri mes bashkëmoshatarësh, mbeti i vrarë një adoleshent. Ekspertët vënë theksin në rëndësinë që ka siguria në shkolla, ndaj thonë se duhet bërë më shumë në këtë drejtim.
Eksperti i sigurisë Fatjon Softa, thotë se në shkolla duhet investuar më shumë për sigurinë sesa për fasada si dhe duhen shtuar kontrollet ndaj nxënësve në mënyrë që të evidentohen rastet e përdorimit së armëve të ftohta.
Sociologia Entela Binjaku, sqaron cilët janë faktorët socialë që ndikojnë në nxitjen e sjelljeve kriminale, kryesisht tek adoleshentët.
Sipas ekspertëve, përfshirja e oficerëve të sigurisë në shkolla nuk ka pasur ndikim të dukshëm në parandalimin e ngjarjeve kriminale.
Ekspertët bëjnë thirrje të shtohen masat për parandalimin e ngjarjeve të tilla, dhe të ketë më shumë ndërgjegjësim nga institucionet përgjegjëse.
Gazetar: F. Çela
Operator: S. Goga
Montazhier: L. Islamaj
© SYRI.net