Policia e Tiranës ka arrestuar një 23 vjeçar pasi kishte thyer masën e sigurisë arrest shtëpie dhe qarkullonte me makinë i armatosur.

Sipas burimeve për SYRI-n, në rrugën "Egnatia", shërbimet e Policisë kanë ndaluar automjetin me drejtues shtetasin Sandriano Kastrati, dhe gjatë kontrollit të automjetit, gjetën një armë zjarri pistoletë.

Njoftimi i policisë/ Tiranë

Finalizohet nga Komisariati i Policisë Nr. 3, në bashkëpunim me Forcën e Posaçme "Shqiponja", operacioni policor i koduar "Zastava".

Qarkullonte me automjet i armatosur dhe kishte shkelur masën e sigurisë "Arrest në shtëpi", vihet në pranga 23-vjeçari.

Sekuestrohen një armë zjarri pistoletë dhe municion luftarak.

Shërbimet e Komisariatit të Policisë Nr. 3 në bashkëpunim me Forcën e Posaçme "Shqiponja", në vijim të punës për goditjen e paligjshmërisë në fushën e armëmbajtjes pa leje, bazuar dhe në inteligjencën informative për një shtetas që qarkullonte i armatosur në rrugën "Egnatia", menjëherë kanë organizuar punën për kapjen e tij dhe kanë finalizuar operacionin policor të koduar "Zastava".

Si rezultat i tij u arrestua në flagrancë shtetasi S. K., 23 vjeç, banues në Tiranë.

Në rrugën "Egnatia", shërbimet e Policisë kanë ndaluar automjetin me drejtues shtetasin S. K., dhe gjatë kontrollit të automjetit, gjetën një armë zjarri pistoletë. Në vijim të veprimeve, gjatë kontrollit të banesës u gjet një sasi municioni luftarak (180 fishekë), të cilat u sekuestruan në cilësinë e provës materiale sëbashku me pistoletën.

Pas verifikimeve të kryera ka rezultuar se 23-vjeçari, kishte shkelur masën e sigurisë "Arrest në shtëpi".

Materialet i kaluan Prokurorisë, për veprime të mëtejshme procedurale.

#angazhimpërkushtimsakrificë👮‍♂️🚔

#tëvendosurkundërkrimit✅

#nëçdoskajtëvendit🇦🇱

#nëshërbimtëqytetarëve👮‍♂️🤝🙍‍♂️