Në 76-vjetorin e krijimit të repartit zjarrfikës në vend, zjarrfikësit në Vlorë denoncojnë kushtet skandaloze të punës dhe degradimin e automjeteve. Sipas zjarrfikësve, qeveria dhe bashkia i ka braktisur. Ata ngrenë dyshime për përdorimin e fondeve në këtë sektor, pasi tregojnë se mjetet e reja që blihen, dalin shumë shpejt jashtë funksionit.

Nga SYRI TV

Ky 9 dhjetor shënon 76-vjetorin e krijimit të repartit zjarrfikës në vend! Teksa për shpëtuesit e jetës duhet të ishte ditë feste, në Vlorë zjarrfikësit kanë zgjedhur të flasin të revoltuar për kushtet e punës. Kastriot Karabolli është veteran në repartin e zjarrfikëseve në Vlorë, por sot, ai denoncon trajtimet e punonjësve dhe gjendjen skandaloze të mjeteve të repartit zjarrfikës.

Situatën e vështirë ku ndodhet reparti zjarrfikës në Vlorë, e pranojnë dhe drejtues të këtij reparti, Edi Demo dhe Kastriot Begaj.

Veç mungesës së mjeteve dhe pagave të ulëta, zjarrfikësit në Vlorë tregojnë se kanë mungesë të bazës materiale përfshirë veshjet, bombula oksigjeni apo dhe mjete të tjera jetëshpëtuese.