Bashkim Alla 50- vjeç është arrestuar sot nga policia e Krujës. Arrestimi i tij është bërë në kuadër të operacionit të koduar "Double". Policia sqaron se janë kryer kontrolle në banesën e tij, ku janë gjetur 2.4 kg lëndë narkotike kanabis ndërsa rezultoi se kishte ushtruar dhunë ndaj bashkëshortes së tij. 

Alla pritet të përballet me akuzën për dy vepra penale: Prodhimi dhe shitja e narkotikëve dhe Dhuna në familje./Dosja.al

NJOFTIMI I PLOTË I POLICISË:

Krujë/Finalizohet nga Komisariati i Policisë Krujë, operacioni policor i koduar “Double”.

Operacioni u zhvillua nga Policia e Krujës, bazuar në inteligjencën informative për një shtetas që posedonte lëndë narkotike dhe ushtronte dhunë psikologjike ndaj bashkëshortes.

Arrestohet në flagrancë 50-vjeçari.

Gjatë kontrollit në banesën e tij, shërbimet e Policisë gjetën dhe sekuestruan 2.4 kg lëndë narkotike kanabis.

Shërbimet e Komisariatit të Policisë Krujë, bazuar në inteligjencën informative, kanë organizuar dhe finalizuar operacionin policor të koduar “Double”, në kuadër të të cilit u arrestua në flagrancë shtetasi:

-B. A., 50 vjeç, banues në Halil, Krujë, për veprat penale “Prodhimi dhe shitja e narkotikëve" dhe "Dhuna në familje".

Shërbimet e Policisë, gjatë kontrollit të ushtruar në banesën e 50-vjeçarit, kanë gjetur dhe sekuestruar në cilësinë e provës materiale, 2.4 kg lëndë të dyshuar narkotike cannabis sativa.

Materialet procedurale i kaluan Prokurorisë pranë Gjykatës së Rrethit Gjyqësor Krujë, për veprime të mëtejshme