Nuk ndalen aksidentet e përgjakshme në rrugët tona. Mesditën e sotme raportohet se një makinë ka përplasur për vdekje një kalimtare në Fushë Krujë.
Ngjarja është shënuar në fshatin Larushk, ku një makinë ka përplasur për vdekje 55-vjeçaren Lume Rryta.
Shoferi Mehmet Xhixha është shoqëruar në Komisariat. Aksidenti u shënua në një zonë ku ndodhin shpesh ngjarje të tilla.
Viktima ishte duke dalë nga supermarketi kur i ka prerë rrugën automjetit.
NJOFTIMI ZYRTAR
Rreth orës 12:00, në fshatin Larushk, Fushë Krujë, automjeti me drejtues shtetasin M. Xh., 55 vjeç, ka aksidentuar shtetasen L. R., rreth 55 vjeçe, e cila për pasojë ka humbur jetën.
Drejtuesi i mjetit, shtetasi M. Xh., është shoqëruar në Komisariat, për veprime të mëtejshme procedurale.
Grupi hetimor ndodhet në vendngjarje dhe po punon për sqarimin e rrethanave të aksidentit.
© SYRI.net