Nesër më datë 8 dhjetor, bëhen një vit nga vrasja e të riut Klodian Rasha nga efektivi i policisë Nevaldo Hajdaraj.
Grupe të shoqërisë civile kanë lajmëruar se ditën e nesërme do të bëjnë homazhe për djaloshin, që humbi jetën në moshë fare të re.
“Për Klodian Rashën. Homazhe Përkujtimore. E mërkurë, ora 18:00.
Përballë Ministrisë së Brendshme. Më 8 dhjetor, do ndezim qirinj këtu. Klodian Rasha u vra në moshën 25 vjeç”, shkruhet në njoftim.
Autori i vrasjes, ish-efektivi Nevaldo Hajdaraj është dënuar nga gjykata me 15 vjet burg, por për shkak të gjykimit të shkurtuar, u dënua 10 vjet.
Hajdaraj kërkon ndryshimin e vendimit dhe dënimin për vrasje në tejkalim të nevojës për t’u mbrojtur, por jo vrasje me dashje.
Avokati i ish-oficerit të policisë ka dorëzuar ankimimin.
Ndërkohë, ankim për vendimin është bërë edhe nga Prokuroria, e cila kishte kërkuar dënimin me 20 vite burg.
© SYRI.net