Një sasi e konsiderueshme paundësh është sekuestruar në portin e Durrësit.

Informacionet për mediat bëjnë me dije se paratë janë gjetur në një furgon që vinte nga Italia.

Kontrolli në vijën e dytë ka zbuluar paratë e fshehura, ndërsa raportohet se është shoqëruar në polici drejtuesi i furgonut ku u gjetën paratë. 

Nuk dihet ende sasia e parave të sekuestruara ndërkohë që mësohet se po vijon ende numërimi i tyre. Pak më herët gjatë ditës së sotme, në Portin e Durrësit u kap një sasi prej 300 kg kokainë që vinte nga Maqedonia e Veriut dhe kishte destinacion Italinë.