Mjeku i njohur Bledi Nini humb betejën me koronavirusin. Mjeku i njohur otolaringolog ka ndërruar jetë në moshën 48-vjeçare.

Nini prej disa vitesh punonte në QSUT, ku dhe duket se ka marrë virusin që i mori jetën. Nini ishte ndër mjekët më të talentuar në vendin tonë.

Pasi u infektua, ai u nis për kurim në shtetin fqinj, në Itali. Pavarësisht ndihmës së bluzave të bardha, mjeku i njohur nuk mundi të jetojë.

Lajmin e ka bërë të ditur, miku  i tij njëherësh edhe kreu i bashkisë së Vlorës, Dritan Leli, i cili thotë se marrja e këtij lajmi nuk ishte i thjeshtë.

Mjekët dhe infermierët janë ndër kategoritë më të prekura nga Covid-19, për shkak se përballen përditë me pandeminë.