Një 31-vjeçar është arrestuar nga Policia e Tiranës, pasi akuzohet për dhunë ndaj bashkëshortes së tij.

Uniformat blu u njoftuan për një konflikt dhe dhunë në një familje në kryeqytet dhe kur shkuan në adresën e dhënë, vunë në pranga R. N., 31 vjeç.

“Specialistët për Hetimin e Krimit në Komisariatin e Policisë Nr. 5 bënë arrestimin në flagrancë të shtetasit R. N., 31 vjeç, sepse në banesë, në prezencë të fëmijëve të mitur, ka ushtruar dhunë fizike dhe psikologjike ndaj bashkëshortes së tij”.