Dje në Kosovë janë konfirmuar edhe 207 raste të reja me koronavirus, duke e çuar kështu mbi 4300 numrin e përgjithshëm të të infektuarve nga 13 marsi kur edhe u konfirmuan rastet e para.
Nga ky numër, 2095 janë shëruar, kurse 94 të tjerë kanë vdekur.
Kështu, numri i rasteve aktive në vend është më i lartë se ai i të shëruarve
Komuna më e prekur nga ky virus është Prishtina, me gjithsej 1220 raste, 10 prej tyre kanë humbur betejën.
Pastaj vjen Komuna e Vushtrrisë, në të cilën nga 13 marsi janë konfirmuar gjithsej 397 të infektuar, 7 prej të cilëve kanë ndërruar jetë.
Komuna e tretë për nga numri i rasteve pozitive, Prizreni, ka numrin më të madh të të vdekurve nga COVID-19, gjithsej 13 viktima, ndërsa ka 378 raste të konfirmuara pozitive.
Më poshtë gjeni tabelën me të dhënat për numrin e rasteve pozitive dhe viktimave për secilën komunë të Kosovës.
© SYRI.net