EMRI/ Shkoi te dentisti duke thyer arrestin shtëpiak, e kthejnë në qeli pas e spiunoi qytetari digjital

EMRI/ Shkoi te dentisti duke thyer arrestin shtëpiak, e kthejnë në qeli pas e spiunoi qytetari digjital

17:01, 02/04/2020

Elton Pilinci kishte vetëm pak kohë që kishte dalë nga burgu, por u arrestua sërish sapo në komisariatin dixhital u dërgua një foto që provonte se ai ndodhej jashtë banesës, duke u dënuar nga gjykata me 7 muaj burgim.

Ka qenë një foto e dërguar në komisariatin “Dixhital”, e cila ka njoftuar se një person i sapoliruar nga burgu dhe që ishte detyruar nga gjykata të qëndronte në “arrest shtëpie”, ka dalë nga banesa dhe shëtit i lirë rrugëve të Tiranës.

Bëhej fjalë për Elton Pilincin, akuzuar për veprën penale të “Heqjes së paligjshme të lirisë” në dëm të Marius Ramushi dhe akuzën e “Përdorimit me keqdashje të thirrjeve telefonike”.

Pilinci kishte vetëm pak muaj që ishte liruar masa e “arrestit në burg”, por mesa duket qëndrimin në shtëpi nuk e ka duruar dhe ka vendosur të dalë prej saj, duke shkuar tek dentisti. Por teksa ndodhej jashtë shtëpisë, Elton Pilinci është fotografuar nga një person, i cili më pas foton ia ka përcjellë komisariatit “Dixhital” në Tiranë, duke vënë në zbatim shërbimet e policisë së Shtetit.

Në banesën e Pilincit menjëherë kanë shkuar dy efektivë të policisë së Kamzës, ku fillimisht nuk kanë gjetur asnjë person. Pasi kanë shkuar për herë të dytë, policët kanë konstatuar nënën e Pilincit, e cila i ka pohuar se djali ndodhej tek dentisti në Tiranë.

Elton Pilinci, është arrestuar më pas nga forcat e policisë në qendër të Institutit Bujqësor, për akuzën e “Largimit i të burgosurit nga vendi i qëndrimit”. 

Largimin nga banesa ku duhet të qëndronte me “arrest shtëpie”, Pilinci e ka pranuar përballë gjykatës së Tiranës, ku ka shfaqur dhe pendesë. Në fund të procesit gjyqësor Elton Pilinci është dënuar me 7 muaj burgim./shqiptarja.com

© SYRI.net

Lexo edhe:

Komentet

Marsy02/04/2020 23:07

Sa njerez te ndyre vetem spiuna smbarojne tek ne

Eda02/04/2020 17:13

Spiune te qelbur. Nuk shohin halen e tyre,por spiunojne si legena pas perdes. Prandaj s'ben hajer ky popull se pergjon tjetrin per ti bere keq. Funderrina anonime.

Shto koment

Denonco