Një ngjarje e rëndë është shënuar në qytetin Porto Sant-Elpidio në Itali. Gazeta ‘Il Resto del Carlino’ thotë se një 30-vjeçar është vrarë brutalisht me thikë.

Ngjarja është lajmëruar nga një kalimtar në orët e para të mëngjesit. Asgjë nuk mund të bënin mjekët për ta shpëtuar për shkak se plagët ishin të shumta dhe të thella.

Vera TV thotë se viktima është shqiptar. Nuk dihet nëse ai është vrarë aty, apo trupi i pajetë është sjellë në atë vend.

Ndërkohë mediat kanë publikuar fotot e para nga vendi i ngjarjes.