Lëkundjet e tërmetit që tronditën sot vendin kanë sjellë panik tek qytetarët por sipas sizmiologëve këto janë vazhdim i aktivitetit sizmik të 26 nëntorit.

Në një komunikim për Syri Tv, eksperti Rexhep Koçii është shprehur se, tërmeti ka qenë me magnitudë 4,9 rihter.

"Është një pasgoditje e tërmetit të 26 nëntorit. Kjo llogaritet si periudhë post-tërmetore. Kjo periudhë që nuk e dimë sa do zgjasë, pasi 6.3 është një tërmet i fortë", u shpreh Koçi. 

"Nuk është një ngjarje e jashtëzakonshme gjenerimi i një tërmeti me magnitudë 4.9 dy muaj pas nga ngjarja kryesore", shtoi sizmiologu. /Syri.net