Një aksident i rëndë ka ndodhur pak minuta më parë në fshatin Fratar, në Mallakastër.

Burime policore shpkegojne se si pasojë e përplasjes së dy makinave dyshohet se një person ka ndërruar jetë.

Policia e Fierit ka dhënë informacion zyrtar për aksidentin e ndodhur pasditen e sotme në aksin Levan-Tepelenë ku mbeti i vdekur një person. Sipas policisë, aksidenti ndodhi rreth orës 15:10, në vendin e quajtur “Gurorja e Kremenarit” ku janë përplasur automjeti tip “Benz” me automjetin tip furgon.

Si pasojë e përplasjes ka ndërruar jetë drejtuesi i mjetit tip “Benz” si edhe janë dëmtuar 2 pasagjerët në mjetin tip furgon të cilët janë transportuar në Spitalin Rajonal Fier.