Mugello - Tre djem shqiptarë me banim në Scarperia janë aksidentuar rëndë ndërsa udhëtonin me makinë pak pas mesnatës së mbrëmshme, në orën 1:00. Aksidenti i rëndë ndodhi në rrugën J.F. Kennedy në Pianvallico.

Njeri prej tyre 26 vjeç me iniciale K.E. ka vdekur, kurse vëllai i tij 19 vjeçar është dërguar i plagosur në spital në Borgo.

Makina që u përplas pas një peme, drejtohej nga një shok i tyre 26 vjeç dhe ai i dërguar në spitalin e Borgo rëndë.

Shkaqet e aksidentit janë ende të panjohura dhe mendohet se ka ndikuar shpejtësia e lartë. Policia ka nisur hetimet./SYRI.NET